ەكى وبلىستاعى رەسپۋبليكالىق ماڭىزى بار اۆتوجولدار ۋاقىتشا جابىلدى
11:07, 03 - ناۋرىز 2023
استانا. قازاقپارات – 3-ناۋرىز ساعات 9:20 اقپاراتقا سايكەس 2 وبلىستا اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار اۆتوجولداردىڭ 4 ۋچاسكەسىندە قوزعالىسقا ۋاقىتشا شەكتەۋ ەنگىزىلدى.
بۇل تۋرالى قازاقپارات قازاۆتوجولعا سىلتەمە جاساپ حابارلايدى.
اباي وبلىسىندا «الماتى- وسكەمەن» تاسجولىنىڭ قالباتاۋ اۋىلىنان شىعىس قازاقستان وبلىسىنىڭ شەكاراسىنا دەيىنگى ارالىعىندا جانە «وسكەمەن- سەمەي» تاسجولىنىڭ شىعىس قازاقستان وبلىسىنىڭ شەكاراسىنان سەمەي قالاسىنا دەيىنگى ارالىعىندا كولىكتىڭ بارلىق ءتۇرى ءۇشىن جول قوزعالىسىنا شەكتەۋ ەنگىزىلدى.
شىعىس قازاقستان وبلىسىندا «الماتى- وسكەمەن» تاسجولىنىڭ اباي وبلىسىنىڭ شەكاراسىنان قاسىم قايسەنوۆ كەنتىنە دەيىنگى ارالىعىندا جانە «وسكەمەن- سەمەي» تاسجولىنىڭ گەراسيموۆكا اۋىلىنان اباي وبلىسىنىڭ شەكاراسىنا دەيىنگى ارالىعىندا كولىكتىڭ بارلىق تۇرلەرى ءۇشىن قوزعالىس شەكتەلدى.