ەل استاناسى بۋەنوس-ايرەس قانا ەمەس، باسقا دا ءىرى قالالار، سونداي-اق اۋىلدىق جەرلەر دە تاس قاراڭعىدا قالدى.
ءورت اشىق الاڭدا باستالىپ، جاعالاۋ اۋماعىنداعى ەلەكتر جەلىلەرىن شارپىعان جانە اتوم ەلەكتر ستانساسىن ىستەن شىعاردى. ەلەكتر ەنەرگياسى ارگەنتيناداعى قاتتى ىستىق پەن قۋاڭشىلىق كەزىندە ءوشىپ كەتتى. وڭتۇستىك امەريكا ەلدەرىندە قازىر جاز ايلارى بولعاندىقتان ەلدىڭ بىرنەشە بولىگىندە تەمپەراتۋرا ۇنەمى 35 گرادۋستان اسادى.
اپتاپ ىستىق پەن ەلەكتر ەنەرگياسىنىڭ وشۋىنەن ءبىرقاتار وڭىردەگى مەكتەپتەردە ساباقتار توقتاپ، كاسىپورىندار جابىلدى. ەلەكتر ەنەرگياسىنىڭ سوندىرىلۋىنەن زارداپ شەككەن كوپتەگەن تۇرعىندار كونديتسيونەرسىز جانە مۇزداتقىشسىز وتىر. بارىنەن دە ءىرى قالالار زارداپ شەكتى: 150000 ادام بۋەنوس-ايرەستە ءالى دە جارىقسىز قالۋى مۇمكىن.
ەنەرگەتيكا مينيسترلىگى تاياۋدا ەلەكتر ەنەرگياسى بەرىلەدى دەپ مالىمدەدى. ارگەنتينادا مۇنداي جاعداي ءجيى بولىپ تۇرادى.