بۇرقاسىن، كوكتايعاق، تۇمان - ەلىمىزدىڭ باسىم بولىگىندە داۋىلدى ەسكەرتۋ جاريالاندى

استانا. قازاقپارات - قازگيدرومەت ەلىمىزدە 3-ناۋرىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى قازاقپارات.

سينوپتيكتەردىڭ مالىمەتىنشە، اتلانتيكالىق سيكلون جىراسىنىڭ اسەرىنەن قازاقستاننىڭ باسىم بولىگىنە جاۋىن-شاشىن (جاڭبىر، قار) تۇسەدى.

«ەلىمىزدىڭ وڭتۇستىگىندە جاڭبىر، كەي ۋاقىتتاردا قاتتى جاڭبىر جاۋادى. تەك ەلىمىزدىڭ باتىسى اتموسفەرالىق جوعارى قىسىم اۋماعىندا بولعاندىقتان جاۋىن-شاشىنسىز اۋا رايى ساقتالادى.

قازاقستان بويىنشا جەلدىڭ كۇشەيۋى، سولتۇستىك، باتىس، شىعىس، ورتالىعىندا - جاياۋ بۇرقاسىن، كوكتايعاق، وڭتۇستىك، باتىس، ورتالىعىندا - تۇمان، تۇركىستان وبلىسىنىڭ كۇندىز تاۋلى اۋداندارىندا نايزاعاي كۇتىلەدى»، - دەلىنگەن قازگيدرومەت حابارلاماسىندا.