بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنە قاراستى يندۋستريالىق دامۋ كوميتەتى اشىق تالقىعا شىعارعان بۇيرىق جوباسىندا جازىلعان، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنىڭ اۋماعىنان اممونيي نيتراتى مەن امموفوستى اۆتوموبيل كولىگىمەن اكەتۋگە 6 اي مەرزىمگە تىيىم سالىنسىن»، - دەلىنگەن قۇجاتتا.
سالىنۋى مۇمكىن ەكسپورتتىق شەكتەۋدى ىسكە اسىرۋ مەن قاداعالاۋ يندۋستريالىق دامۋ كوميتەتى، مەملەكەتتىك كىرىستەر كوميتەتى مەن ۇلتتىق قاۋىپسىزدىك كوميتەتىنىڭ شەكارا قىزمەتىنە جۇكتەلەدى.
بۇيرىق جوباسى 17-ناۋرىزعا دەيىن كوپشىلىكتىڭ تالقىلاۋىندا بولادى.
قوسا كەتەيىك، بۇعان دەيىن ەلىمىزدەن ءىرى قارا مەن ۇساق مالدى اكەتۋگە تىيىم سالۋ جوسپارلانىپ وتىرعانىن حابارلاپ ەدىك.
بۇعان قوسا، ەل اۋماعىنان كولىكپەن كومىر اكەتۋگە جارتى جىلعا شەكتەۋ قويىلادى.