اقىلى جولدارمەن ءجۇرۋ جانە تولەم جاساۋ تارتىپتەرى وزگەرەدى

بۇيرىققا ساي، ەندى جۇرگىزۋشىلەر جول اقىسىن مىنا تاسىلدەرمەن تولەيدى:

- تولەم جۇيەلەرى سەرۆيستەرىنىڭ كومەگىمەن الدىن الا تولەۋ؛

- مۇمكىندىك بولعان ۋاقىتتا قولما-قول تولەۋ؛

- اقىلى ۋچاسكەدەن شىققاننان كەيىن كۇنتىزبەلىك 7 كۇن ىشىندە كەيىنگى تولەم.

«پايدالانۋشى جول اقىسىن كۇنتىزبەلىك 7 كۇن ىشىندە تولەمەگەن جاعدايدا، جەكە تۇلعالارعا 5-ايلىق ەسەپتىك كورسەتكىش كولەمىندە (17250 تەڭگە) جانە ۇيىمدار ءۇشىن 10 ا ە ك (34500 تەڭگە) ايىپپۇل سالۋ كوزدەلگەن»، - دەپ تۇسىندىرمە بەرىلگەن وزگەرىسكە.

سونىمەن قاتار، اقىلى جولدىڭ اكىمشىسى ۋچاسكەلەرگە كىرەر الدىندا ءتيىستى حابارلاماسى بار اقپاراتتىق تابلو ورنالاستىرادى.

اقپاراتتىق تاقتادا كەلەسى اقپارات كورسەتىلەدى:

- اقىلى ۋچاسكە بويىنشا جول ءجۇرۋ اقىسىنىڭ قۇنى؛

- ۋچاسكەنىڭ ۇزىندىعى؛

- جول اقىسىن تولەۋدىڭ ىقتيمال تاسىلدەرى؛

- اقىلى جولدىڭ اكىمشىسىنىڭ بايلانىس دەرەكتەرى.

بۇل رەتتە، اقىلى جولدىڭ اكىمشىسىنە پۋنكتىلەردە كەپتەلىستى بولدىرماۋ ءۇشىن شلاگباۋمداردى دەرەۋ كوتەرۋ، كولىكتىڭ ءتيىستى جىلدامدىعىن ساقتاۋدى قامتاماسىز ەتۋ مىندەتتەلەدى. اقىلى ۋچاسكەلەر بويىنشا بەرەشەگى بار جۇرگىزۋشىلەر جولعا جىبەرىلمەيدى.

جاڭا تالاپتار 16-ناۋرىزعا دەيىن كوپشىلىك تالقىلاۋدا بولادى.