«ازىرگە، بىزگە وسى ماسەلەگە قاتىستى قانداي دا ءبىر قۇجات كەلىپ تۇسپەدى. تالاپ- ارىز شەتەلدىك يۋريسديكسيادا بولدى. بۇل تۇرعىدا ماسەلەنىڭ ءمان- جايى انىقتالادى دەپ سانايمىز»، - دەدى ە. جاماۋبايەۆ سەناتتا تىلشىلەر سۇراعىنا جاۋاپ بەرە وتىرىپ.
سونىمەن قاتار ول تالاپ- ارىزدا كورسەتىلگەن ءىس- قيمىلدار ق ر ۇكىمەت جاعىنان بولماعانىن ناقتىلادى.
«بۇقارالىق اقپارات قۇرالدارىنداعى مالىمەتتەرگە قاراساڭىزدار، قازاقستان ۇكىمەتى جاعىنان ەشقانداي ءىس- قيمىلدار جاسالمادى. سوندىقتان سوت بۇل پروتسەسكە قاتىستى ماسەلەنى انىقتايدى دەپ ويلايمىن»، - دەدى قارجى ءمينيسترى.
وسى ورايدا تىلشىلەر قازاقستاننىڭ ۇستانىمىن سوتتا قورعاۋى مۇمكىندىگىنە قاتىستى سۇراق قويدى.
«ەگەر قاجەت بولسا، قورعايمىز. الدىمەن تالاپ- ارىزدى قابىلداپ، ءتيىستى قۇجاتتاردى جولداۋى كەرەك. ازىرگە، بىزگە قۇجاتتار كەلىپ تۇسپەدى»، - دەدى ۆەدومستۆو باسشىسى.
بۇعان دەيىن ب ا ق- تا Jusan قۇرىلىمدارى قازاقستان ۇكىمەتىنە قارسى شاعىم تۇسىرگەنى حابارلاندى.
ەسكە سالساق، جاقىندا باس پروكۋراتۋرا Jusan توبىن قازاقستانعا قايتارۋ جۇمىسى جۇرگىزىلىپ جاتقانىن حابارلادى.
2022 -جىلعى ماۋسىمدا پرەزيدەنت قاسىم- جومارت توقايەۆتىڭ تاپسىرماسى بويىنشا ەلدەن زاڭسىز شىعارىلعان قاراجاتتى قازاقستانعا قايتارۋ جونىندەگى ۆەدومستۆوارالىق كوميسسيا قۇرىلعان ساتتەن باستاپ باس پروكۋراتۋرا كاپيتالدى جىمقىرۋ جانە شەت ەلگە شىعارۋ فاكتىلەرىن انىقتاۋ ءۇشىن بانك سەكتورىندا تالداۋ جۇرگىزدى.
سونىمەن قاتار نازاربايەۆ زياتكەرلىك مەكتەپتەرى Jusan-دى ەلگە قايتارۋعا قاتىستى مالىمدەمە جاسادى.
اۆتور
رۋسلان عابباسوۆ