قانداستارعا باسپانا ساتىپ الۋ نەمەسە ءۇي سالۋ ءۇشىن اقشالاي تولەمدەر بەرىلەدى

وڭىرلىك كوميسسيا جىل سايىن 15-قاڭتارعا دەيىن قانداستار مەن كوشىپ كەلگەندەردى قونىستاندىرۋ ءۇشىن ەلدى مەكەندەردىڭ تىزبەسىن قارايدى.

ءوڭىرارالىق قونىس اۋدارۋ شەڭبەرىندە تۇرعىلىقتى جەرگە كەلگەننەن كەيىن قانداستار مەن ولاردىڭ وتباسى مۇشەلەرىنە ماتەريالدىق كومەك تولەنەدى.

ولارعا ۇلتتىق بانك بەكىتكەن يپوتەكالىق باعدارلاما نەمەسە مەملەكەتتىك جوسپارلاۋ جۇيەسىنىڭ قۇجاتتارى شەڭبەرىندە تۇرعىن ءۇي ساتىپ الۋ، سالۋ نەمەسە يپوتەكا بويىنشا باستاپقى جارنا ءۇشىن اقشالاي تولەم - ەكونوميكالىق ۇتقىرلىق سەرتيفيكاتى بەرىلەدى.

ەكونوميكالىق ۇتقىرلىق سەرتيفيكاتى قانداستار مەن قونىس اۋدارۋشىلارعا تۇرعىن ءۇي ساتىپ الۋ كەزىندە بەرىلەدى.

اقشالاي تولەم الۋ ءۇشىن حالىقتى جۇمىسپەن قامتۋ ورتالىقتارىنا ءوتىنىش بەرىپ، قاجەتتى قۇجاتتار جيناۋ كەرەك:

. ءۇي ساتىپ الۋ-ساتۋ شارتى؛

. ەكىنشى دەڭگەيدەگى بانكتىڭ تۇرعىن ءۇي قارىزىن بەرۋدى ماقۇلداعانىن راستايتىن قۇجات؛

. تۇرعىن ءۇي سالۋ كەزىندە قانداستىڭ نەمەسە قونىس اۋدارۋشىنىڭ مەنشىگىندە ج ت ق جانە/نەمەسە ج ت ق جەر ۋچاسكەسىنىڭ بولۋىن راستايتىن قۇجات.

حالىقتى جۇمىسپەن قامتۋ ورتالىقتارى ءۇش جۇمىس كۇنى ىشىندە ونى قارايدى، ەكونوميكالىق ۇتقىرلىق سەرتيفيكاتى بويىنشا اقشالاي تولەم بەرۋ تۋرالى سەبەپتەرىن نەگىزدەي وتىرىپ، شەشىم شىعارادى.

بۇيرىق 2023 -جىلعى 13-ناۋرىزدان باستاپ قولدانىسقا ەنگىزىلەدى.

Stan.kz