جوبا مەيرامعا تولى ناۋرىز ايىنا ءدوپ كەلىپ وتىر. قازاقستاندىقتار ارناعا ءوز جاقىندارى مەن تىلەۋلەستەرىن مەيرممەن قۇتتىقتاپ، ۆيدەو جىبەرە الادى. ول ۆيدەو ارنانىڭ ەفيرىنەن بەرىلەدى.
بۇل مۇمكىندىكتى العاشقىلاردىڭ ءبىرى بولىپ اكتەر مەيىرعات امانگەلدين پايدالانىپ، ۇستازدارىنىڭ بىرىنە ارنا ەفيرى ارقىلى العىس ايتقان.
«گۇلنار اپاي، سىزگە 1- ناۋرىز - العىس ايتۋ كۇنىنە وراي، العىس ايتقىم كەلەدى. وسىنداي ءبىلىم بەرىپ، تاربيە بەرگەنىڭىز ءۇشىن، قانشاما شاكىرتتى تاربيەلەپ جاتقانىڭىز ءۇشىن العىس بىلدىرەمىن. سىزگە ءوز اتىمنان جانە Jibek Joly ارناسىنىڭ اتىنان سالەم جولدايمىن»، - دەدى اكتەر.
بۇعان ريزا بولعان ۇستاز دا ەفير ارقىلى ەڭبەگىن ەلەپ، لەبىز بىلدىرگەن شاكىرتىنە، وسى يگى ىسكە مۇرىندىق بولعان ارنا ۇجىمىنا العىس ايتتى.
جوبا اۆتورلارىنىڭ ايتۋىنشا، قازاقستاندىقتار Jibek Joly ارناسى ۇسىنىپ وتىرعان بۇل مۇمكىندىكتى 8- ناۋرىز بەن ناۋرىز مەرەكەسى قارساڭىندا دا پايدالانا الادى.