ەلىمىزدە ەلەكتروندى ساۋدا قارقىندى دامىپ كەلەدى

Finprom.kz پورتالىنىڭ Euromonitor International حالىقارالىق نارىقتى زەرتتەۋ كومپانياسىنىڭ الدىن الا مالىمەتتەرىنە سۇيەنىپ جازۋىنشا، قازاقستانداعى ەلەكتروندى ساۋدا كولەمى بىلتىر 20,2 پايىزعا (ينتەرنەت ارقىلى قىزمەت كورسەتۋ ساۋداسىن قوسپاعاندا) ءوسىپ، 1,3 تريلليون تەڭگەگە جەتتى. بۇل ءبىر جىل بۇرىنعىدان 220,1 ميلليارد تەڭگەگە ارتىق.

ۇلكەن ءونىم توپتارىن قاراستىرعان كەزدە، ساناتتاردىڭ بىردە-بىرەۋى تەرىس ديناميكا كورسەتپەگەنى بايقالادى. قازاقستاندىقتار ينتەرنەت ارقىلى كوبىرەك ساتىپ الۋدا. بىلتىر ونلاين ساۋدانىڭ جالپى كولەمىندەگى ايتارلىقتاي ۇلەستى (2,4) ءسان سەگمەنتى يەلەندى. سوڭعى ءبىر جىلدا قازاقستاندىقتار ينتەرنەتتە كيىم، اياق كيىم جانە ءتۇرلى اكسەسسۋارلاردى ساتىپ الۋعا 423,9 ميلليارد تەڭگە ( كوبەيگەن) جۇمساعان. ەكىنشى ورىندا تۇرمىستىق تەحنيكا مەن ەلەكترونيكا تۇر. بۇل ساناتتىڭ ۇلەسى 27,1 پايىزدى قۇرادى. جوعارى تەحنولوگيالىق تاۋارلار 11,6 پايىز وسىممەن 355 ميلليارد تەڭگەگە جەتتى.

ازىق-تۇلىك سەگمەنتى دە ونلاين ساۋداعا ويىسىپ جاتىر. ەلەكتروندى ازىق-تۇلىك نارىعىنىڭ كولەمى شامامەن ۇشتەن بىرگە ءوستى: 35,4 ميلليارد تەڭگەدەن 45,5 ميلليارد تەڭگەگە دەيىن. سونداي-اق سۋسىندار مەن تەمەكى ينتەرنەت ارقىلى الدەقايدا ۇلكەن كولەمدە ساتىلا باستادى: 69,9 ميلليارد تەڭگە، ءبىر جىلدا 23,3 پايىز كوبەيگەن.