قازاقستاندا شەتەلدىكتەردەن الىناتىن تۋريستىك جارنانى ەسەپتەۋ پرينتسيپى قايتا قارالادى

وتكەن جىلى ول الىنبادى، ال 2023-جىلدىڭ باسىندا ءبىزدىڭ ەلىمىزدىڭ 30 دان استام قالالارى مەن اۋداندارىندا %1 دان %5 عا دەيىنگى مولشەرلەمەلەر بەكىتىلدى.

بۇل تۋرالى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

الايدا، ق ر مادەنيەت جانە سپورت مينيسترلىگىنىڭ كاسىپكەرلەرمەن جانە قوناق ءۇي بيزنەسىنىڭ وكىلدەرىمەن كەزدەسۋلەرىنىڭ قورىتىندىسى بويىنشا تۋريستىك جارنانىڭ مولشەرىن قايتا قاراۋ تۋرالى شەشىم قابىلداندى. ول پايىزدىق اراقاتىناستا ەمەس، ا ە ك- كە ساي ەسەپتەلەدى.

ماسەلەن، استانا، الماتى جانە شىمكەنت قالالارىندا bed tax 0,5 ا ە ك، قالعان وڭىرلەردە — 0,2 ا ە ك قۇرايدى.

«بيزنەس وكىلدەرى قولدانىستاعى تارتىپكە وزگەرىستەر ەنگىزۋ بويىنشا كوپتەگەن تارتىمدى ۇسىنىستار بەردى. ءبىز كاسىپكەرلەردى تىڭداپ، جارنانى ەسەپتەۋدىڭ جاڭا قاعيداتىن قوسا العاندا ءبىرقاتار تۇزەتۋ ازىرلەدىك»، - دەدى مادەنيەت جانە سپورت ۆيتسە-ءمينيسترى ەرجان ەركىنبايەۆ.