باتىس قازاقستانداعى تىكۇشاق اپاتىنا سەبەپ بولۋى مۇمكىن نۇسقالاردىڭ ءبىرى ايتىلدى
ونىڭ ايتۋىنشا، تىكۇشاقتىڭ تەحنيكالىق جاعدايىنا ەش كۇمان جوق.
«قازاۆياقۇتقارۋ» تىكۇشاعىنىڭ اپاتقا ۇشىراۋىنا قاتىستى ايتار بولسام، تىكۇشاق جاڭا، جۇمىس ىستەگەنىنە ءبىر جىل عانا بولدى، سوندىقتان ونىڭ تەحنيكالىق جاعدايى جاقسى بولعانىنا ەش كۇمان جوق. اۆياتسيا اكىمشىلىگى، «قازاۆياقۇتقارۋ» ا ق قىزمەتكەرلەرىنىڭ قاتىسۋىمەن كوميسسيا قۇرىلدى، تەرگەۋ جۇرگىزىلىپ جاتىر. نۇسقالاردىڭ ءبىرى - بۇل اۋا رايى جاعدايلارىنا بايلانىستى بولۋى مۇمكىن. ءالى ناقتى ايتا المايمىن. ناتيجەسىن كوميسسيا جۇمىسى اياقتالعاننان كەيىن ۇسىناتىن بولامىز»، - دەدى پىشەمبايەۆ سەنات وتىرىسى كۋلۋارىندا.
ەسكە سالايىق، 23- اقپاندا ورالدان 54 شاقىرىم جەردە باتىس قازاقستان وبلىسىنداعى اشىق اۋماقتا توتەنشە جاعدايلار مينيسترلىگىنىڭ م ي-8 «قازاۆياقۇتقارۋ» تىكۇشاعى قاتتى قوندى. توتەنشە جاعدايلار مينيسترلىگى مالىمەتىنشە، بورتتا بەس ەكيپاج مۇشەسى مەن ءبىر جولاۋشى بولعان. ەكى ادام زارداپ شەگىپ، ءتورت ادام قازا بولدى.