قازاقستان نان باعاسى ارزان ەلدەردىڭ بەستىگىنە كىردى

استانا. قازاقپارات - قازاقستان نان باعاسى ارزان الەمدەگى 5 ەلدىڭ قاتارىنا كىرەدى، دەپ حابارلايدى قازاقپارات.

Energyprom.kz پورتالىنىڭ Numbeo مالىمەتتەرىنە سىلتەمە جاساپ جازۋىنشا، الەمدە نانعا ەڭ تومەنگى باعا تۋنيستە تىركەلگەن. بۇل ەلدە سالماعى جارتى كەلى بولاتىن 1 بولكە نان 0,14 دوللار تۇرادى. ودان كەيىنگى ورىندا الجير (0,16 دوللار) مەن ليۆيا (0,34) تۇر. ۇزدىك بەستىكتى قازاقستان (0,36) مەن وزبەكستان (0,7) تۇيىندەيدى.

ت م د ەلدەرىندە 0,5 كەلىلىك ءبىر بولكە نان ازەربايجاندا - 0,39، مولدوۆادا - 0,43، ۋكراينادا - 0,58، رەسەيدە - 0,61، بەلارۋستا - 0,64، ارمەنيادا 0,65 دوللار تۇرادى.

الەمدەگى ناننىڭ باعاسى ەڭ قىمبات ەلدەر مىنالار: امەريكا قۇراما شتاتتارى - 3,27 دوللار، شۆەيتساريا - 3,21 دوللار، يسلانديا - 2,93 دوللار.