بۇل تۋرالى ورتالىق كوممۋنيكاتسيالار قىزمەتىندە ق ر اۋىل شارۋاشىلىعى ۆيتسە- ءمينيسترى باعلان بەكباۋوۆ ايتتى، دەپ حابارلايدى قازاقپارات ءتىلشىسى.
«مال جايىلىمدارىنىڭ تاپشىلىعى ماسەلەسى بار ەكەنىن بىلەسىزدەر. وسى ورايدا مال جايۋ ءۇشىن قوسىمشا 8 ميلليون گەكتاردان استام جايىلىم قاجەت»، - دەدى ب. بەكباۋوۆ.
مينيسترلىكتىڭ مالىمەتىنە قاراعاندا، قازىرگى كەزدە جەكە قوسالقى شارۋاشىلىقتاردا اۋىلشارۋاشىلىق مال باسى ءوسىپ كەلەدى. كەيىنگى 10 جىلدا ءىرى قارا مال باسى 7,7 پايىزعا ارتتى. ال تۇركىستان، قىزىلوردا، جامبىل وبلىستارى سياقتى وڭىرلەردە مال باسىنىڭ ءوسۋ قارقىنى شامامەن 16 پايىزدى قۇرادى.
ۆيتسە- ءمينيستردىڭ ايتۋىنشا، بىلتىر مەملەكەتكە 5,35 ميلليون گەكتار پايدالانىلماعان جەر قايتارىلدى. بيىل قوسىمشا 5 ميلليون گەكتاردى قايتارۋ جوسپارلانىپ وتىر.
سونىمەن قاتار ول jerkarta.gharysh.kz پورتالىندا مەملەكەت پايداسىنا قايتارىلعان اۋىل شارۋاشىلىعى جەرلەرىنىڭ ينتەراكتيۆتى كارتاسى ورنالاسقانىن ايتتى. گەوسەرۆيس قايتارىلعان جەر ۋچاسكەلەرىنىڭ كاداسترلىق نومىرلەرىن، ولاردىڭ ورنالاسقان جەرى مەن اۋدانى تۋرالى مالىمەتتەردى قامتيدى.
«اكىمدىكتەرگە وسى جەر تەلىمدەرىن ارى قاراي يگەرۋ تۋرالى تاپسىرما بەرىلگەن. بىلتىر قايتارىلعان جەر ۋچاسكەلەرىنىڭ 2 ميلليون گەكتارى ءتيىمدى يگەرۋگە بەرىلدى. سوندىقتان قايتارىلعان جەرلەردىڭ اۋدانىن، كولەمىن ينتەراكتيۆتى كارتادان كورۋگە بولادى»، - دەدى ۆيتسە- مينيستر.
بۇدان بۇرىن حابارلانعانداي، قازاقستاندا مەملەكەتتىك مەنشىككە قايتارىلعان اۋىل شارۋاشىلىعى جەرلەرىنىڭ ينتەراكتيۆتى كارتاسى ىسكە قوسىلدى.