«العىس كۇنى - مەن ءۇشىن، قازاقستاننىڭ بارلىق كارىستەرى ءۇشىن جانە ءبىزدىڭ وتباسىمىز ءۇشىن مەيىرىم مەن جىلىلىققا تولى مەرەكە. ويتكەنى 1937 -جىلى مۇندا كارىستەر جەر اۋداردى. ولاردىڭ اراسىندا ءبىزدىڭ اكەلەرىمىز، اتالارىمىز بار. بەستوبە تاۋىنىڭ باۋرايىندا جادىگەرلەردى ساقتادىق، وندا جەركەپەلەردەن قالعان شۇڭقىرلار، اتا- بابالارىمىزدىڭ بەيىتتەرى بار. سول جەرگە «قازاق حالقىنا مىڭ العىس» ەسكەرتكىشىن ورناتتىق. بۇل العاشقى العىس ەسكەرتكىشى، كەلىپ گۇل قوياتىن مونۋمەنتكە اينالدى»، - دەدى گ. كان.
ونىڭ ايتۋىنشا، اتالعان مەرەكە قيىن كەزدەرى قازاقستانعا جەر اۋدارىلعان ۇلتتاردىڭ باستاماسىمەن تۋىنداعان.
«سول جىلدارى ءبىزدى سەنىمنەن ايىرىلعان ادامدار رەتىندە اكەلگەندە قازاقتار ءبىزدىڭ امان قالۋىمىزعا كومەكتەسكەنىن بالا كەزىمىزدەن ەستيتىنبىز. 1937 -جىلى كۇزدە، قار جاۋىپ تۇرعاندا، قازاقتار كومەكتەسپەسە، قالاي كۇن كورەتىن ەدىك. سوندىقتان بۇل ءبىزدىڭ مەيىرىم مەن جىلىلىققا تولى ءتول مەرەكەمىز. العىس ايتۋ كۇنىنە ءبىز باستاماشى بولدىق، قاراپايىم راحمەت ايتىپ، «ءبىز قازاق حالقىنا ريزامىز» دەپ ايتۋ كەرەك. ويتكەنى، بۇل ءبىزدىڭ پارىزىمىز، ونى ءارقاشان ەستە ۇستاۋىمىز كەرەك»، - دەپ تولىقتىردى سپيكەر.
سونىمەن بىرگە ول جان تەبىرەنتەرلىك ەستەلىكپەن ءبولىستى.
«بىلتىر جاز ايىندا اتىراۋ وبلىسى، ماحامبەت اۋدانى، بەيبارىس اۋىلىندا بولدىق. ول جەرگە كارىستەر 1937 -جىلى اكەلىندى. دالاعا اكەلىپ تاستادى، امان قالدى، ءومىر ءسۇردى، ءولدى. ول جەرلەردە كارىستەردىڭ بەيىتتەرى بولعان. كوبى وقۋعا، جۇمىس ىستەۋگە كەتتى، بەيىتتەر قالدى. سودان ءبىر كوكتەمدە جايىق بۇل بەيىتتەردى شايا باستادى. مەن وسى جازدا سول جاققا بارىپ، ادامدارمەن كەزدەستىم. جەرگىلىكتى تۇرعىندار بەيىتتەردى قايتا جوندەپ قويۋ كەرەكتىگىن ايتتى. قازاقتا «ءولى رازى بولماي، ءتىرى بايمايدى» دەگەن بار دانالىق بار. ولار تىرىلەرگە عانا ەمەس، ولىلەرگە دە كومەكتەستى. مەن تاڭ قالدىم. ءبىز قازىر وسى ادامگەرشىلىك فاكتىنى ماڭگىلىك ەتۋ ءۇشىن بارلىعىن ىستەپ جاتىرمىز»، - دەپ ءبولىستى گەورگي كان.
سونداي- اق سپيكەر وسى ادامي قاسيەتتەردىڭ ارقاسىندا بۇگىندە قازاقستان حالقى دوستىق، بىرلىك پەن كەلىسىمدە ءومىر ءسۇرىپ جاتقانىن ايتا كەلە، سوعان بايلانىستى بارشانى شۇكىرشىلىك ەتۋگە، يگى ىستەر جاساۋعا، جاقسى امالداردى ەستەن شىعارماۋ كەرەكتىگىن ەسكە سالدى.