الماتى تاۋلارىندا قار كوشكىنى قاۋپى ساقتالادى

قونايەۆ. قازاقپارات - ناۋرىز ايىنىڭ باسىندا الماتى وبلىسىنىڭ تاۋلارىندا كوشكىن ءجۇرۋ قاۋپى ساقتالادى.

بۇل تۋرالى الماتى وبلىسى ت ج د- دا ءمالىم ەتتى، دەپ حابارلايدى قازاقپارات ءتىلشىسى.

«الماتى وبلىسىنىڭ تاۋلارىندا 1-6-ناۋرىز ارالىعىندا كوشكىن ءجۇرۋ قاۋپى ساقتالادى. ت ج د ازاماتتاردان، تۋريستەردەن جانە دەمالۋشىلاردان قار كوشكىنىن تۋدىرۋى مۇمكىن بولعاندىقتان قارلى بەتكەيلەرگە شىقپاۋدى، سونداي- اق تاۋلى جەرلەردە بارلىق قاۋىپسىزدىك شارالارىن ساقتاۋدى سۇرايدى»، - دەلىنەدى حابارلامادا.

سونداي- اق ۆەدومستۆونىڭ مالىمەتىنشە، الماتى وبلىسىنىڭ اۋماعىندا ىلە- الاتاۋ تاۋلارىنىڭ وڭتۇستىك بەتكەيىندە ەڭبەكشى قازاق، تالعار جانە قاراساي اۋداندارىندا 55 كوشكىن قاۋپى بار ۋچاسكە بار.

«نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن- شاشىننىڭ تۇسۋىنە بايلانىستى بولادى»، - دەپ حابارلادى ت ج د- دا.

ەسكە سالايىق، تاجىكستان مەن قىرعىزستاندا قار كوشكىنى ءجۇرىپ، سالالارىنان ادامدار قازا تاپقان ەدى.