بانكروتتىق تۋرالى زاڭ بويىنشا ءوتىنىش بەرۋ باستالادى
پرەزيدەنت زاڭعا بىلتىر 30- جەلتوقساندا قول قويدى. زاڭ رەسمي تۇردە 1- قاڭتاردا جاريالاندى. ال 3- ناۋرىزدان باستاپ جەكە تۇلعالار بانكروت ەكەنىن جاريالاپ، ءوتىنىش بەرە الادى. ءبىراق بۇل بارلىق ازاماتتىڭ نەسيەسى كەشىرىلەدى دەگەن ءسوز ەمەس.
ەڭ الدىمەن، بۇل زاڭ بويىنشا كىمدەر ءوتىنىش بەرە الاتىنىن تۇسىندىرە كەتسەك:
نەسيە قارىزىڭىز 1600 ا ە ك، ياعني 5520000 تەڭگەدەن اسپاسا؛
ونى كەيىنگى ءبىر جىلدىڭ كولەمىندە تولەۋىڭىز قاجەت بولسا دا وتەۋگە مۇمكىندىگىڭىز بولماسا؛
اتىڭىزدا جىلجىمايتىن مۇلىك، جەر ۋچاسكەسى نەمەسە كولىك راسىمدەلمەگەن بولسا ءوزىڭىزدى بانكروت دەپ تانىپ، ءوتىنىش بەرە الاسىز. ايتا كەتەيىك، تەك ءسىزدىڭ اتىڭىزدا ەمەس، وتباسى مۇشەسىنىڭ اتىندا دا مۇلىك بولماۋى كەرەك. مىسالى ايەلىنىڭ اۆتوكولىگى بولا تۇرا كۇيەۋى بانكروتتىققا ءوتىنىش بەرسە، بۇل ءوتىنىش قابىلدانبايدى. ياعني ءسىز تولەمگە قابىلەتتى بولىپ سانالاسىز.
ايتا كەتەيىك، ەكىنشى دەڭگەيلى بانكتەگى، ميكروقارجى ۇيىمدارىنداعى نەسيەلەردى جانە نەسيەڭىز كوللەكتورلارعا ءوتىپ كەتسە دە ءوتىنىش بەرىپ، نەسيەنى جابۋعا بولادى.
ناۋرىزدان باستاپ 5,5 ميلليون تەڭگەگە دەيىن قارىزىڭىز كەشىرىلەدى. ءبىراق ونىڭ سالدارى بار
ءماجىلىس پەن ءماسليحات دەپۋتاتتارىنىڭ سايلاۋى
ءماجىلىس پەن ءماسليحات دەپۋتاتتارىن سايلاۋ بيىل ءبىر كۇندە – 19- ناۋرىزدا وتەدى. كانديداتتار مەن ساياسي پارتيالاردى تىركەۋ 20- قاڭتاردا باستالدى. ول 18- اقپان 18.00 گە دەيىن جالعاسادى. سايلاۋ الدىنداعى ۇگىت 18- اقپان 18.01 دە باستالىپ، 18- ناۋرىز ساعات 00.00 دە اياقتالادى. 18- ناۋرىز - تىنىشتىق كۇنى.
سايلاۋدان كەيىن ماجىلىستە 98 دەپۋتات قالادى. 69 دەپۋتات پارتيالىق تىزىمدەر بويىنشا، ال 29 دەپۋتات ءبىر مانداتتىق اۋماقتىق وكرۋگتەر بويىنشا سايلانادى.
ءماجىلىس دەپۋتاتتىعىنا قويىلاتىن تالاپتار:
قازاقستان ازاماتى بولۋى كەرەك؛
سوڭعى ون جىلدا قازاقستان اۋماعىندا تۇرۋى ءتيىس؛
كەم دەگەندە 25 جاستا بولۋى شارت.
ناۋرىزدا قالاي دەمالامىز؟
ناۋرىز 31 كۇنگە تولادى. سونىڭ 12 كۇنى (سەنبى مەن جەكسەنبىنى قوسقاندا) دەمالىس، 19 جۇمىس كۇنى بولماق. ياعن:
8- ناۋرىز - حالىقارالىق ايەلدەر كۇنى تەك ءبىر كۇن - سارسەنبى دەمالىس.
ال ناۋرىز مەرەكەسىندە (21-23- ناۋرىزدا) قازاقستاندىقتار ءۇش كۇن دەمالادى: 21- ناۋرىزدان 23- ناۋرىزعا دەيىن. بۇل سەيسەنبى مەن بەيسەنبى ارالىعى بولماق.
1- ناۋرىز - العىس ايتۋ كۇنى
كورىسۋ مەرەكەسى
14- ناۋرىزدان باستاپ كورىسۋ نەمەسە امال مەرەكەسى بولادى. بۇل قازاقستاننىڭ باتىس ءوڭىرى مەن رەسەيدىڭ شەكارالاس ايماقتارىنداعى قازاقتاردىڭ اراسىندا ساقتالعان ەجەلگى داستۇر.
كورىسۋ - تەك ادامداردىڭ ءبىر-بىرىنە امانداسىپ، جاقسىلىق تىلەيتىن قاۋىشۋ مەرەكەسى ەمەس، سونداي-اق جاسى ۇلكەندەرگە ىزەت كورسەتىپ، ءىلتيپات بىلدىرەتىن ءداستۇرلى كورىنىس. سەبەبى كورىسۋ سالتى ءبىر كۇننىڭ اياسىمەن شەكتەلىپ قالمايدى، جىل بويى جالعاسا بەرەدى. الدەقانداي سەبەپتەرمەن 14- ناۋرىز كۇنى بولماعان نەمەسە سىرت جاقتا جۇرگەن كەز كەلگەن ادام اۋىلعا جولى تۇسكەن بويدا قاريالاردىڭ قولىن الىپ، سالەم بەرۋگە ءتيىس.
رامازان ايى
مۇسىلمان قاۋىمى ءۇشىن قاسيەتتى بولىپ سانالاتىن قاسيەتتى رامازان ايى 2023-جىلدىڭ 23- ناۋرىزىندا باستالادى.
قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى جاريالاعان 2023-جىلعى ءدىني كۇندەر كەستەسىنە سايكەس، قاسيەتتى رامازان ايى 23- ناۋرىزدا باستالادى. قادىر ءتۇنى 17- ساۋىردەن 18- ساۋىرگە قاراعان تۇنگە ءتۇسىپ تۇر.
ناۋرىز ايىندا دۇنيەگە كەلگەندەر قانداي بولادى؟
كۇن مەن ءتۇن تەڭەسەتىن كۇن
ناۋرىز مەيرامى - ەجەلگى زاماننان قالىپتاسقان جىل باستاۋ مەيرامى. قازىرگى كۇنتىزبە بويىنشا (22- ناۋرىز) كۇن مەن ءتۇننىڭ تەڭەسۋى كەزىنە كەلەدى.
2010-جىلدىڭ 10- مامىرىنان باستاپ بىرىككەن ۇلتتار ۇيىمىنىڭ باس اسسامبلەياسىنىڭ 64-قارارىنا سايكەس 21- ناۋرىز «حالىقارالىق ناۋرىز كۇنى» بولىپ اتالىپ كەلەدى. باس اسسامبلەيا ءوزىنىڭ بەرگەن تۇسىنىكتەمەسىندە «ناۋرىزدى كوكتەم مەرەكەسى رەتىندە 3000-جىلدان بەرى بالقان تۇبەگىندە، قارا تەڭىز ايماعىندا، كاۆكازدا، ورتا ازيادا جانە تاياۋ شىعىستا 300 ميلليون ادام تويلاپ كەلە جاتقاندىعىن» مالىمدەدى. ال UNESCO بولسا، 2009-جىلدىڭ 30- قىركۇيەگىندە ناۋرىز مەيرامىن ادامزاتتىڭ ماتەريالدىق ەمەس مادەني مۇرا تىزىمىنە كىرگىزدى.
ماسساگەت