اۋعانستان ءوز تەمىرجولىن الا تاقيالى اعايىنعا تاعى 2 جىلعا تاپسىرۋدى ءجون كورگەن. كەلىسىم قۇنى جاريا ەتىلمەدى. تەك بۇعان دەيىن وزبەكستان تەمىرجولداعى وسى قىزمەتى ءۇشىن جىل سايىن 15 ميلليون دوللار الىپ كەلگەنى بەلگىلى.
جالپى، «گالابا- حايراتون» وتكەلى اۋعان حالقى ءۇشىن اسا قاجەت. ونىمەن ەلدىڭ نەگىزگى يمپورت ونىمدەرى تاسىمالدانادى. گۋمانيتارلىق جۇك تە جەتەدى. كەلەشەكتە تالىپتەر (قازاقستاندا تىيىم سالىنعان ۇيىم) باسقارىپ وتىرعان ۇكىمەت تەمىرجولدى پاكىستانعا دەيىن ۇزارتىپ، ورتالىق ازيا ءۇشىن جاڭا ترانزيتتىك ءدالىز ۇسىنۋدى كوزدەپ وتىر.
باحتيەر ەرگاشيەۆ، «Ma'no» زەرتتەۋ باستامالارى ورتالىعىنىڭ ديرەكتورى:
- پاكىستاندا ءىرى تەڭىز پورتتارى بار. سول جەرگە تىكەلەي جول سالۋ ءۇشىن اۋعانستان ارقىلى تەمىرجول سالۋ كەرەك. جوبا ءالى تالقىلانىپ جاتىر. ورتالىق ازيانىڭ ەلدەرى دە وسىعان مۇددەلى. دەگەنمەن قاۋىپسىزدىك ماسەلەسىنە باسا ءمان بەرىلەدى. ەگەر ەلدە تۇراقتىلىق ورناماسا، ەشبىر جوبا قارجىلاندىرىلمايدى. ءارى ترانزيتتىك تاسىمال دا جۇزەگە اسىرىلمايدى.
www.24.kz