قازاق بوكسشىلارىنا بولگاريادا ءبىر التىن دا بۇيىرمادى

استانا. قازاقپارات - بولگاريا استاناسى سوفيا قالاسىندا وتكەن حالىقارالىق «ستراندجا-2023» تۋرنيرىندە قازاقستاندىق بوكسشىلاردىڭ مەدالدار كەستەسىندە قاي ورىن العانى بەلگىلى بولدى، دەپ حابارلايدى قازاقپارات ءتىلشىسى.

حالىقارالىق تۋرنيردە قازاقستاندىق سپورتشىلار ءبىر كۇمىس، ءبىر قولا مەدال الدى. ناتيجەسىندە مەدالدار كەستەسىندە جەتىنشى ورىنعا جايعاستى.

ال جەتى التىن، ءتورت كۇمىس، بەس قولا مەدال ەنشىلەگەن وزبەكستان قۇراماسى كوش باستاسا، ودان كەيىنگى ورىنداعى بولگاريا ءتورت التىن، ءبىر كۇمىس، ءبىر قولا مەدالعا قول سوزدى.

ۇزدىك ۇشتىكتى ءبىر التىن، ەكى قولامەن ا ق ش قۇراماسى تۇيىندەدى.

«ستراندجا-2023» (ەرلەر قۇراماسى) تۋرنيرىنىڭ ناتيجەسى:

1. وزبەكستان - 7-4-5

2. بولگاريا - 4-1-1

3. ا ق ش - 1-0-2

4. برازيليا - 1-0-1

5. ارمەنيا - 0-2-2

6. ءۇندىستان - 0-1-2

7. قازاقستان - 0-1-1

7. يتاليا - 0-1-1

7. تۇركيا - 0-1-1

10. ارگەنتينا - 0-1-0

10. ەكۆادور - 0-1-0

12. گرۋزيا - 0-0-2

12. دانيا - 0-0-2

14. قىتاي - 0-0-1

14. اۆستراليا - 0-0-1

14. يرلانديا - 0-0-1

14. پولشا - 0-0-1

14. گرەكيا - 0-0-1

14. ازەربايجان - 0-0-1.

حالىقارالىق «ستراندجا-2023» تۋرنيرىنە ەلىمىزدىڭ اتىنان 12 بوكسشى قاتىسقان ەدى.

ولاردىڭ قاتارىندا ەرنۇر قايرات (48 كەلى)، كەنجە مۇرات ۇلى (51 كەلى)، بەكزات الدامجاروۆ (54 كەلى)، ورازبەك اسىلقۇلوۆ (57 كەلى)، ەراسىل تاڭكاي (60 كەلى)، ەرتۋعان زەينۋللينوۆ (63,5 كەلى)، تەمىرحان تەزەك (67 كەلى)، نۇرقانات رايىس (75 كەلى)، بەكزاد نۇرداۋلەتوۆ (80 كەلى)، بەكزات تاعاتاروۆ (86 كەلى)، ابزال قۇتتىبەكوۆ (92 كەلى)، قامشىبەك قوڭقابايەۆ (92 كەلىدەن جوعارى) بار.