ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى پولشا رەسپۋبليكاسىنىڭ اۋماعىندا تۇراقتاپ قالعان وتاندىق جۇك كولىكتەرىنىڭ كەدەرگىسىز ءجۇرۋىن قامتاماسىز ەتۋ ءۇشىن ۆەدومستۆو ارنايى شارالاردى قولعا العانىن حابارلايدى.
بۇل رەتتە وسى جىلدىڭ 21- اقپانىنان باستاپ پولشانىڭ اۋماعىنا ەۋروپالىق وداقتان باسقا بارلىق ەلدىڭ جۇك كولىكتەرىنە كىرۋگە تىيىم سالىنعانىن ايتا كەتەيىك. وسى شەكتەۋدىڭ سالدارىنان اتالعان مەملەكەتتە 400 گە جۋىق قازاقستاندىق جۇك كولىگى تۇرىپ قالعان.
«ق ر يندۋستريا جانە ينفراقۇرىلىمدىق دامۋ مينيسترلىگى قازاقستاندىق تاسىمالداۋشىلار قاۋىمداستىعىمەن بىرلەسىپ، جۇك كولىكتەرىنىڭ ءتىزىمىن جاسادى. بۇل وتاندىق جۇك تاسىمالداۋشىلاردىڭ جول ءجۇرىسىن قامتاماسىز ەتۋ ءۇشىن قولعا الىنعان شارا. سونداي-اق ۆارشاۆا مەن ۆيلنيۋستەگى ەلىمىزدىڭ ەلشىلىكتەرىمەن جۇمىلىپ، اتالعان كولىكتەردىڭ شىعىپ كەتۋىنە رۇقسات الۋ ءۇشىن پولشالىق جانە ليتۆالىق ۋاكىلەتتى ورگاندارمەن كەلىسسوزدەر جۇرگىزىلدى»، دەدى ق ر ي ي د م وكىلدەرى.
سونىمەن قاتار 24- اقپاندا ۆەدومستۆو ليتۆا رەسپۋبليكاسىنىڭ كولىك جانە كوممۋنيكاتسيا مينيسترلىگىمەن اۆتوتاسىمالداۋ ماسەلەلەرى جونىندەگى ارالاس كوميسسياسىنىڭ وتىرىسىندا باس قوسىپ، وندا پولشادا ايالداپ تۇرعان ەلىمىزدىڭ جۇك كولىكتەرىنىڭ ليتۆا اۋماعى ارقىلى ءوتۋ ماسەلەسى كەلىسىلدى. بۇعان قوسا جۇك تاسىمالىن قامتاماسىز ەتۋ ءۇشىن 2023-جىلعا ارنالعان ءوزارا الماستىرىلاتىن رۇقسات بلانكىلەرىنە كۆوتا بەلگىلەندى.
قازىر ليتۆا تاراپىنا قازاقستاندىق كولىكتەردىڭ ءتىزىمى بەرىلىپ، بۇل جۇك تاسىمالداۋشىلاردىڭ كەدەرگىسىز ءجۇرىپ ءوتۋىن قامتاماسىز ەتپەك.