قازاقستاننان ءبىر عانا بوكسشى ستراندجا كۋبوگىنىڭ فينالىنا ءوتتى

استانا. قازاقپارات - بولگاريا استاناسى سوفيا قالاسىندا ءوتىپ جاتقان حالىقارالىق «ستراندجا-2023» تۋرنيرىندە شيرەك فينالدا قازاقستاندىق ورازبەك اسىلقۇلوۆ قارسىلاسىنان باسىم ءتۇستى، دەپ حابارلايدى قازاقپارات sports.kz رەسۋرسىنا سىلتەمە جاساپ.

وسىلايشا سوفياداعى «ستراندجا» حالىقارالىق تۋرنيرىنىڭ فينالىندا قازاقستاننىڭ ەرلەر قۇراماسىنان ءبىر عانا سپورتشى سىنعا تۇسەدى.

جارتىلاي فينالدا 57 كەلىگە دەيىنگى سالماق دارەجەسىندە ونەر كورسەتكەن ورازبەك اسىلقۇلوۆ ارميان سپورتشىسى ارتۋر بازەياندى 3:2 ەسەبىمەن جەڭدى.

اسىلقۇلوۆ تۋرنيردە فينالعا جەتكەن جالعىز قازاقستاندىق بوكسشى بولدى.

سونداي-اق، فينالعا شىعۋ ءۇشىن 75 كەلىگە دەيىنگى سالماق دارەجەسىندە نۇرقانات رايىس بارىن سالدى.

الايدا ول بولگار بوكسشىسى كيۆان راميدەن 1:4 ەسەبىمەن جەڭىلىپ قالدى.

ەسكە سالساق، بۇدان بۇرىن قازاقستاندىق ەكى بوكسشى جارتىلاي فينالعا شىققان ەدى.

اتالعان تۋرنيرگە ەل قۇراماسىنان بارلىعى 13 بوكسشى بارعان.