قازاقستاننىڭ تاعى ءبىر جارقىن جەڭىسى! وتانداسىمىز ءامىر زاكيروۆ جاپونيادا ءوتىپ جاتقان Breaking for Gold برەيك دانس تۋرنيرىنىڭ جەڭىمپازى اتاندى. التىن مەدال ءۇشىن كۇرەستە قازاقستاندىق ءبيشى ا ق ش پەن كۇنشىعىس ەلىنەن قاتىسقان قارسىلاستارىنان وزىق شىقتى، - دەپ جازادى اسحات ورالوۆ.
مينيستر ءمالىم ەتكەندەي، جارىسقا الەمنىڭ 48 ەلىنەن بارلىعى 180 شەبەر برەيكدانسەر قاتىسقان، ونىڭ 99 ى - جىگىت جانە 81 ءى - قىز.
ءامىر نيدەرلاندىدان كەلگەن 4 دۇركىن الەم چەمپيونى Menno مەن كانادالىق قازىرگى الەم چەمپيونى Phil Wizard-تان باسىم ءتۇسىپ، تۋرنيردىڭ وتە قيىن كەزەڭىنەن ءوتتى. سونداي-اق، ءبىزدىڭ برەيكدانسەر بىلتىرعى الەم چەمپيوناتىنىڭ فيناليسى - جاپوندىق Shigekix- ءتى جەڭدى. مەن ءامىردىڭ وسى دەڭگەيدەگى تۋرنيرلەردەگى العاشقى جانە سوڭعى جەڭىسى ەمەس ەكەنىنە سەنىمدىمىن. ءامىردى جانە بارلىق قازاقستاندىقتاردى تولاعاي تابىسپەن قۇتتىقتايمىن، سونداي-اق چەمپيونىمىزعا قارقىنىن ۇدەتپەي 2024-جىلعى وليمپيادادا قازاقستان اتىنان لايىقتى ونەر كورسەتۋىن تىلەيمىن، - دەيدى مينيستر.
ۆەدومستۆو باسشىسى برەيكدانس 2024-جىلعى وليمپيادادا رەسمي ديستسيپلينانىڭ ءبىرى بولاتىنىن اتاپ وتكەن.