بۇل تۋرالى «QazaqGaz» ۇ ك» ا ق باسقارما ءتوراعاسىنىڭ ماركەتينگ جونىندەگى ورىنباسارى ارمان قاسەنوۆ ايتتى، دەپ حابارلايدى قازاقپارات ءتىلشىسى.
«سوندىقتان، سولتۇستىكتەگى كورشىمىزبەن ىنتىماقتاستىق قاراستىرىلىپ، ءتيىستى ۇسىنىس ايتىلدى. جوبا اياسىندا ءتيىستى جەلى قازاقستاننىڭ شىعىس جانە سولتۇستىك وڭىرلەرىن گازداندىرۋ مۇمكىندىگىمەن ترانزيتتىك گاز قۇبىرى تۇرىندە تارتىلۋى كەرەك»، - دەدى ا. قاسەنوۆ ەلوردادا وتكەن قوعامدىق كەڭەس جيىنىنان كەيىن تىلشىلەر سۇراعىنا جاۋاپ بەرە وتىرىپ.
وسى ورايدا، وعان قازاقستاننىڭ باسقا وڭىرلەرىمەن سالىستىرعاندا ش ق و اۋماعىنداعى گاز باعاسىنىڭ ايىرماشىلىعىنا قاتىستى سۇراق قويىلدى.
«ايىرماشىلىق بولاتىنى انىق. سوندىقتان، ەلىمىزدىڭ شىعىس ءوڭىرى جايىندا ايتساق، بۇل - شىعىس قازاقستان وبلىسى ارقىلى قىتايعا رەسەيدىڭ گازىن جەتكىزۋدىڭ ەڭ جاقىن جولى. بۇل تۇرعىدا ترانزيت، گازداندىرۋ سياقتى ەكى جاققا دا ءتيىمدى ماسەلەلەردى ەسكەرۋ قاجەت»، - دەدى ا. قاسەنوۆ.
بۇل رەتتە ول قازىرگى كەزدە كومپانيا وسى ماسەلە بويىنشا «گازپروممەن» كەلىسسوز جۇرگىزىپ جاتقانىن جەتكىزدى.
بۇدان بۇرىن حابارلانعانداي، ەنەرگەتيكا ءمينيسترى بولات اقشولاقوۆ ەلىمىزدىڭ شىعىس ءوڭىرى رەسەيدەن قۇبىر تارتۋ ارقىلى گازداندىرىلۋى مۇمكىن ەكەنىن ايتتى.
وسى ورايدا، QazaqGaz «گازپروممەن» بىرلەسىپ، «رەسەي فەدەراتسياسى - قازاقستان رەسپۋبليكاسى - قىتاي حالىق رەسپۋبليكاسى» حالىقارالىق گاز قۇبىرىن سالۋ ماسەلەلەرىن زەردەلەۋ ءۇشىن الدىن الا تەحنيكالىق-ەكونوميكالىق نەگىزدەمە ازىرلەۋ ماسەلەسىن پىسىقتاپ جاتىر.
سونىمەن قاتار، پرەمەر-مينيستر ءاليحان سمايىلوۆ ەلىمىزدىڭ سولتۇستىگى مەن شىعىسىن گازداندىرۋ بويىنشا تۇپكىلىكتى شەشىم 1- مامىرعا دەيىن قابىلدانۋى تيىستىگىن ايتقان ەدى.