دەمالىس كۇندەرى اۋا رايى قانداي بولادى

استانا. قازاقپارات - اتموسفەرالىق فرونتالدى اعىندار اسەرىنەن الداعى دەمالىس كۇندەرى ەلىمىزدىڭ باسىم بولىگىندە جاۋىن-شاشىن بولادى، دەپ حابارلايدى قازاقپارات قازگيدرومەتكە سىلتەمە جاساپ.

ەلدىڭ شىعىسىندا، وڭتۇستىگىندە جانە وڭتۇستىك-شىعىسىندا نوسەر جاۋىن (جاڭبىر، قار)، جەلدىڭ كۇشەيۋى، سولتۇستىك بولىگىندە باياۋ بۇرقاسىن، رەسپۋبليكانىڭ وڭتۇستىك وڭىرلەرىندە كوكتايعاق كۇتىلەدى.

تەك اتىراۋ، ماڭعىستاۋ، اقتوبە، ۇلىتاۋ جانە قىزىلوردا وبلىستارىندا جوعارى اتموسفەرالىق قىسىم ءورىسىنىڭ اسەرىنەن تاياۋداعى ءۇش تاۋلىكتە جاۋىن-شاشىنسىز اۋا رايى بولجانادى. رەسپۋبليكا بويىنشا تۇمان ءتۇسۋى مۇمكىن.

باتىس، سولتۇستىك-باتىس ايماقتارعا كەلەتىن بولساق، اۋا تەمپەراتۋراسىنىڭ كوتەرىلۋى كۇتىلەدى. قالعان ايماقتاردا اۋا تەمپەراتۋراسى تومەندەيدى.