باتىس قازاقستانداعى تىكۇشاق اپاتىنان قازا تاپقانداردىڭ اتى-ءجونى جاريالاندى
رەسمي مالىمەتكە قاراعاندا، اۆياتسيالىق توتەنشە جاعداي كەزىندە مينيسترلىكتىڭ ءتورت قىزمەتكەرى كوز جۇمدى. ولاردىڭ قاتارىندا ۇشقىش- نۇسقاۋشى داۋلەتباي قاناتوۆ سابىرباي ۇلى، ەكىنشى پيلوت ۆلاديمير افاناسيەۆ كونستانتينوۆيچ، اعا بورت مەحانيك-نۇسقاۋشى سيازبەك اندوسوۆ شاجالي ۇلى جانە جەتەكشى ينجەنەر جاردەم دوسكاليەۆ قۋانىشقالي ۇلى بار.
«ت ج م ۇجىمىنىڭ اتىنان 2023 -جىلعى 23-اقپاندا باتىس قازاقستان وبلىسىنىڭ اۋماعىندا اۆياتسيالىق وقيعا كەزىندە قازا تاپقان ارىپتەستەرىمىزدىڭ تۋىستارى مەن جاقىندارىنا قايعىرا كوڭىل ايتامىز»، - دەپ جازدى ۆپەدومستۆودان.
ايتا كەتەيىك، كەشە «قازاۆياقۇتقارۋ» ا ق تىكۇشاعى باتىس قازاقستان وبلىسى اۋماعىنا اپاتتى جاعدايدا قونۋعا ءماجبۇر بولعانىن جازعان ەدىك.
كەيىننەن ازاماتتىق اۆياتسيا كوميتەتى تىكۇشاق ەكيپاجىنىڭ اراسىندا زارداپ شەككەندەر بار ەكەنىن حابارلادى. كەيىن اپاتتان 4 ادام قازا تاۋىپ، 2 ادام زارداپ شەككەنى بەلگىلى بولدى.