استانا- تەمىرتاۋ جانە استانا- پاۆلودار باعىتىنداعى جول جابىلدى

استانا. قازاقپارات - اۋا رايىنىڭ قولايسىزدىعىنا بايلانىستى استانا قالاسىنان تەمىرتاۋعا دەيىنگى جانە پاۆلودار وبلىسىنىڭ شەكاراسىنا دەيىنگى جول جابىلدى، دەپ حابارلايدى قازاقپارات.

Ikomek قىزمەتى 23-اقپانداعى 22:00 دەگى احۋال بويىنشا كۇن رايىنىڭ ناشارلاۋىنا بايلانىستى (اۋا تەمپەراتۋراسىنىڭ كۇرت تومەندەۋى، كوكتايعاق) «ەكاتەرينبۋرگ- الماتى» رەسپۋبليكالىق اۆتوجولىنىڭ 1291-1426-شاقىرىمى ارالىعى، ياعني استانا قالاسىنان تەمىرتاۋ قالاسىنا دەيىنگى ارالىقتاعى جولدا كولىكتىڭ بارلىق ءتۇرىنىڭ قوزعالىسى شەكتەلگەنىن ءمالىم ەتتى.

ودان بولەك، 22:00 دەن باستاپ كۇن رايىنىڭ قولايسىزدىعىنا بايلانىستى (اۋا تەمپەراتۋراسىنىڭ كۇرت تومەندەۋى، كوكتايعاق) «استانا- ەرەيمەنتاۋ- شىدەرتى» رەسپۋبليكالىق اۆتوجولىنىڭ 16-200-شاقىرىمى ارالىعى، ياعني استانا قالاسىنان پاۆلودار وبلىسىنىڭ شەكاراسىنا دەيىنگى ارالىقتاعى جولدا كولىكتىڭ بارلىق ءتۇرىنىڭ قوزعالىسى شەكتەلگەنى حابارلاندى.