قاي ەلدى ءبىر تاۋلىككە جالعا الۋعا بولادى؟

استانا. قازاقپارات - ءبىر رەستوراندى، ءبىر عيماراتتى تۇتاستاي جالعا الۋعا بولاتىنىن بىلەمىز. قازىر ءتىپتى ءبىر مەملەكەتتى تۇگەلدەي تاۋلىك بويى جالعا الۋعا بولادى ەكەن.

ليحتەنشەين بيلىگى ءوز مەملەكەتىن تۋريستەرگە ءبىر تاۋلىككە جالعا بەرۋ جونىندەگى قادامدارعا بارىپ وتىر. ەۋروپاداعى ەڭ شاعىن ەلدەردىڭ ءبىرى ليحتەنشەيندى تاۋلىك بويى جالعا العانىڭىز ءۇشىن 70 مىڭ دوللار تولەيسىز. 35 مىڭ تۇرعىنى بار ليحتەنشەيننىڭ اۋماعى 160 شارشى شاقىرىم عانا. جالعا الۋشى الپى تاۋلارىنىڭ باس اينالدىرار كورىكتى تابيعاتى مەن ەسكى بەكىنىستەردى تاماشالاي الادى. جالعا العان ادامنىڭ 150 قوناق شاقىرىپ، ءوز اتىنان اقشا بىرلىگىن، جول بەلگىلەرىن ەنگىزە الادى. كوڭىل كوتەرۋ شارالارىنىڭ ىشىندە وت شاشۋ، ۆادۋس قالاسىندا كولياسكامەن سەرۋەندەۋىنە، شاڭعى تەبۋگە، سنوۋبورد ويناۋعا جاعدايلار قاراستىرىلعان.

جالعا الۋ تۋرالى ءوتىنىشتى الدىن الا التى ايدان كەم ەمەس مەرزىم ىشىندە وتكىزۋ كەرەك. ەگەر تاپسىرىستان باس تارتا قالعان جاعدايدا الدىن الا تولەمنىڭ 50 پايىزى كولەمىندە ايىپپۇل سالىنادى.