اۋا رايىنا بايلانىستى بەس وڭىردە رەسپۋبليكالىق جولدار جابىق تۇر
جول قوزعالىسى شەكتەلگەن ۋچاسكەلەردىڭ جالپى ۇزىندىعى - 1025 شاقىرىم نەمەسە رەسپۋبليكالىق جەلىنىڭ - %4,1 ى.
«اقتوبە وبلىسىندا «سامارا-شىمكەنت» تاسجولىنىڭ اقتوبە قالاسىنان قارابۇتاق كەنتىنە دەيىنگى ارالىعىندا جانە ب ق و شەكاراسىنان مارجانبۇلاق كەنتىنە دەيىن بارلىق اۆتوكولىك ءتۇرى ءۇشىن قوزعالىس شەكتەلدى.
الماتى وبلىسىندا «ەكاتەرينبۋرگ- الماتى» تاسجولىنىڭ جامبىل وبلىسىنىڭ شەكاراسىنان مەجدۋرەچەنسك كەنتىنە دەيىن بارلىق كولىك ءتۇرى ءۇشىن قوزعالىس شەكتەلدى.
جامبىل وبلىسىندا «ەكاتەرينبۋرگ- الماتى» تاسجولى، بۋرىلبايتال- اقسۋيەك اۋىلدارى اراسىندا كولىكتىڭ بارلىق ءتۇرى ءۇشىن جول قوزعالىسى شەكتەلدى.
باتىس قازاقستان وبلىسىندا «سامارا- شىمكەنت» تاسجولىنىڭ جىمپيتى- اقتوبە وبلىسىنىڭ شەكاراسى ارالىعى جۇك جانە قوعامدىق كولىكتەر ءۇشىن جابىق.
قاراعاندى وبلىسىندا «ەكاتەرينبۋرگ- الماتى» تاسجولىنىڭ اقسۋ-ايۋلى - بالقاش ارالىعى بارلىق اۆتوكولىك ءتۇرى ءۇشىن جابىق»، - دەپ جازدى قازاۆتوجول.
ۆەدومستۆو وتكەن تۇندە 1100 تەكشە مەتر كوكتايعاققا قارسى ماتەريال سەبىلگەنىن دە اتاپ وتكەن. سونداي-اق بۇگىن رەسپۋبليكالىق ماڭىزداعى تاسجولداردا كۇتىپ-ۇستاۋ جۇمىستارىن اتقارۋ ءۇشىن 500 بىرلىك ارنايى تەحنيكا مەن 800 مامان جۇمىلدىرىلدى.