مينيستر جۋرناليستەرگە شابۋىل تۋرالى: تاپسىرىس بەرۋشىلەر ۇستالۋى كەرەك
«جالپى، اقپاراتتىق شابۋىلدىڭ كوبەيگەنىن بارشامىز بىلەمىز. وسىعان بايلانىستى مەملەكەت باسشىسى ارنايى تاپسىرما بەردى. پرەزيدەنت ورىنداۋشىلار مەن تاپسىرىس بەرۋشىلەردى انىقتاۋ كەرەكتىگىن ايتتى. ءوز كەزەگىندە ىشكى ىستەر مينيسترلىگى جەدەل ىزدەستىرۋ جۇمىسىن جۇرگىزدى. كەشە 18 كۇدىكتىنىڭ ۇستالعانى ايتىلدى. ءىستىڭ ءمان-جايىن ىشكى ىستەر مينيسترلىگى باياندايدى دەپ ويلايمىن. ويتكەنى، اقپاراتتىق شابۋىلدى ورىنداۋشىلار عانا ەمەس، تاپسىرىس بەرۋشىلەر دە ۇستالۋى كەرەك»، - دەدى دارحان قىدىرالى ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ونىڭ ايتۋىنشا، اتالعان ماسەلە مينيسترلىكتىڭ باقىلاۋىندا.
«جالپى، اقپاراتتىق شابۋىلدىڭ ۇدەگەنى راس. ونىڭ سەبەبى تەرگەۋ امالدارىنان كەيىن انىقتالادى دەپ ويلايمىن»، - دەيدى ول.
ايتا كەتسەك، كۇنى كەشە ىشكى ىستەر مينيسترلىگى جۋرناليستەر مەن بلوگەرلەرگە قاتىستى قىلمىس جاسادى دەگەن كۇدىكپەن 18 ادامنىڭ ۇستالعانىن حابارلاعان ەدى.