مەملەكەتتىك «ب» كورپۋسىنداعى قىزمەتشى جوعارى لاۋازىمعا كونكۋرستىق ىرىكتەۋسىز تاعايىندالادى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى ازامات جولمانوۆ مالىمدەدى، دەپ حابارلايدى قازاقپارات ءتىلشىسى.
سپيكەر مەملەكەتتىك قىزمەتكە ورنالاسۋداعى ارتىق كەدەرگىلەردى جويۋ تۋرالى پرەزيدەنت تاپسىرماسى شەڭبەرىندە زاڭعا ەنگىزىلگەن ءتيىستى تۇزەتۋلەر تۋرالى ايتتى.
«ب» كورپۋسىنىڭ كەيبىر جوعارى تۇرعان لاۋازىمدارىنا ۋاكىلەتتى ورگاننىڭ كەلىسىمىمەن كونكۋرستىق ىرىكتەۋسىز تىكەلەي تاعايىنداۋ مۇمكىندىگى قاراستىرىلدى. بۇل جەكە سەكتوردان بىلىكتى جانە سالالىق تاجىريبەسى بار مامانداردى تارتۋعا مۇمكىندىك بەرەدى. جىل باسىنان بەرى اگەنتتىك وسىنداي 14 تاعايىنداۋدى ماقۇلدادى. جەرگىلىكتى اتقارۋشى ورگانداردا، ءماسليحاتتار اپپاراتتارىندا، تەكسەرۋ كوميسسيالارىندا، ورتالىق مەملەكەتتىك ورگاندار مەن ولاردىڭ ۆەدومستۆولارىنىڭ اۋماقتىق بولىمشەلەرىندە وقۋ بىتىرگەننەن كەيىن 1 جىل ىشىندە جوعارى ۇلگەرىمىن كورسەتكەن (GPA) پرەزيدەنت جانىنداعى مەملەكەتتىك باسقارۋ اكادەمياسىنىڭ ۇزدىك تۇلەكتەرىن مەملەكەتتىك لاۋازىمدارعا كونكۋرستان تىس تاعايىنداۋ كوزدەلگەن»، - دەدى ازامات جولمانوۆ.