مەكتەپتە تەڭىز شوشقاسىنا جاسالعان تاجىريبە: پوليتسيا ءىس قوزعاپ، ءمۇعالىم جۇمىستان شىعىپ كەتتى
وسىعان بايلانىستى پوليتسيا ءىس قوزعادى، دەپ حابارلايدى قازاقپارات ءتىلشىسى.
«الماتى قالالىق پوليتسيا دەپارتامەنتى اتالعان دەرەك بويىنشا، ق ر قىلمىسىتىق كودەكسىنىڭ 316-بابى بويىنشا اۋەزوۆ اۋداندىق پوليتسيا باسقارماسىندا قاراستى پوليسيا بولىمىندە تىركەلگەنىن مالىمدەيدى»، - دەلىنگەن حابارلامادا.
بۇعان دەيىن الەۋمەتتىك جەلىدە الماتى مەكتەپتەرىنىڭ بىرىندە مەكتەپ ءمۇعالىمى تەڭىز شوشقاسىن ولتىرگەن سوڭ، ارى قاراي وقۋشىلار جانۋاردىڭ دەنەسىن كەسىپ، بولشەكتەپ جاتقانى تۋرالى ۆيدەو شىققانى تۋرالى جازعان ەدىك.
وقيعانى انىقتاۋ بارىسىندا اتالمىش جاعداي 17-اقپاندا الماتى قالاسىنىڭ جەكەمەنشىك مەكتەبىنىڭ 10-سىنىبىندا بيولوگيا ءپانىنىڭ قوسىمشا تاجىريبەلىك ساباعىندا بولعان.
الماتى قالالىق ءبىلىم باسقارماسى بيولوگيا ءپانىنىڭ ءمۇعالىمى ءوز ەركىمەن جۇمىستان شىققانىن اتاپ ءوتتى.