قونايەۆ قالاسىنىڭ باس جوسپارى تانىستىرىلدى

استانا. قازاقپارات- بولاشاقتا قالانىڭ قارجى جانە ىسكەرلىك ورتالىعى بولادى. سونداي- اق، عىلىم مەن ءبىلىمدى دامىتۋ جوبالارى ىسكە اسادى. شاھاردا قازىردىڭ وزىندە جۇزدەن استام كوپپاتەرلى تۇرعىن ءۇي مەن مەكتەپتەر سالىنىپ جاتىر.

باس جوسپارعا سايكەس الداعى ون جىلدا زاماناۋي تەحنولوگيا مەكەمەسى مەن «قونايەۆ سيتي» قالاشىعى بوي كوتەرەدى. ۇكىمەتكە ۇسىنىلاتىن جوسپارمەن وبلىستىق قوعامدىق كەڭەس مۇشەلەرى تانىستى. قونايەۆتا ەكى مىڭ گەكتاردان استام جەر يگەرىلەدى. قاجەتتى ينفراقۇرىلىم تارتىلىپ، جۇزدەگەن الەۋمەتتىك نىسان سالىنادى.

پرەزيدەنت الماتىداعى ءبىرقاتار جوعارى وقۋ ورىندارىنىڭ فيليالدارىن قونايەۆ قالاسىنا كوشىرۋدى تاپسىردى. ازىرگە قالادا ۋنيۆەرسيتەت جوق. ال باس جوسپاردا جوعارۋ وقۋ ورىندارى ورنالاساتىن اكادەميالىق قالاشىقتىڭ جەرى بەلگىلەنگەن. سول ارقىلى 2030 -جىلعا دەيىن شاحاردا 12 مىڭنان استام ستۋدەنت ءبىلىم الادى دەپ كوزدەلىپ وتىر.

توقان بوتابەكوۆ، الماتى وبلىستىق قوعامدىق كەڭەس مۇشەسى:

- بولاشاقتا مەن ويلايمىن تەاتر بولادى، وقۋ ورىندارى بولۋ كەرەك، قالا نەگىزگى. ارنايى كاسىپتىك تەحنيكالىق وقۋلار بولۋ كەرەك. بولاشاعى ۇلكەن قالا عوي. ءبىر جاعا قالادا تەڭىز دە بار. ادامدار دەمالاتىن ورىندار بار، پويىز جولى بار. «تەڭىزدىڭ وڭ جاعىنا، شەڭگەلدى جاققا ۇلكەيسە دەگەن ۇمىتتەمىن.

ءبىلىم مەن عىلىمي ورتالىقتار «جاڭا ىلە» ورتالىعىندا بوي كوتەرەدى. جوبا «اقىلدى قالا»، «سمارت قالا» نەگىزدەمەسى بويىنشا ازىرلەندى. ياعني، وندا ادامداردىڭ ومىرىنە قاجەتتى ينفراقۇرىلىم مەن رۋحاني- مادەني نىساندار بولادى. «جاڭا ىلە» قوعامدىق- ىسكەرلىك ورتالىعىن قالانىڭ سولتۇستىك باتىسىندا ورنالاسادى. وندا ەلەكتر ەنەرگەتيكا، مۇناي گاز وڭدەۋ، سۋ تۋريزمى، كولىك لوگيستيكا ورتالىعى مەن حالىقارالىق اۋەجاي بولادى. ورتالىقتىق سالىنۋىمەن الداعى التى جىلدا قالا حالقىنىڭ سانى 115 مىڭ ادامعا ۇلعايادى دەپ جوسپارلانىپ وتىر.

قازىر قونايەۆ قالاسىندا 45 مىڭعا جۋىق ادام تۇرادى. باس جوسپاردىڭ باستى ستراتەگياسى ونەركاسىپ پەن كاسىپكەرلىك نىساندار سالىپ، جاڭا جۇمىس ورىندارىن اشۋ.

مارات سۇلتانعازيەۆ، الماتى وبلىسىنىڭ اكىمى:

- «كۇندەلىكتى «ماياتنيكوۆىي ميگراتسيا» دەيدى عوي. 400 مىڭ ادام ءبىزدىڭ وبلىستان الماتىعا تاڭەرتەڭ كەتەدى. 400 مىڭ ادام كەشكە قايتادى. ارينە، جولعا ءبىر ساعات ۋاقىت كەتەدى. بالا شاعاسى وسى جەردە، مەكتەپتە، ءوزى قالادا. ەرتەدەن كەشكە دەيىن. باستى ماقسات الماتىدان بەرى قاراي ادامداردى قايتادان تارتۋ. ول تەندەنتسيا بىزگە جاقسى كەلە جاتىر. بۇرىنعى كوشىپ كەتكەن ادامدار قايتىپ جاتىر. ءبىز سونى پايدالانىپ ادامدارعا مۇمكىنشىلىك جاساۋىمىز كەرەك. ول مۇمكىنشىلىك بيزنەستى دامىتۋ. الداعى قالانى دامىتۋدىڭ الداعى ون جىلعا ارنالعان باعدارلاماسىندا قالا ماڭىنداعى ونشاقتى ساياجاي اۋماقتارىن قالاعا قوسۋ كوزدەلگەن. ەندى باس جوسپار ۇكىمەتتە قاراۋىنا ۇسىنىلادى.

www.24.kz