يزرايل يراندى مۇناي تانكەرىنە شابۋىل جاسادى دەپ ايىپتادى

اممان. قازاقپارات - يزرايل پرەمەر-ءمينيسترى بينيامين نەتانياحۋ يراندى مۇناي تانكەرىنە شابۋىل جاسادى دەپ ايىپتادى، دەپ حابارلايدى قازاقپارات ءتىلشىسى.

«وتكەن اپتادا يران پارسى شىعاناعىنداعى مۇناي تانكەرىنە تاعى دا شابۋىل جاساپ، حالىقارالىق ناۆيگاتسيا ەركىندىگىنە نۇقسان كەلتىردى»، - دەدى نەتانياحۋ مينيسترلەر كابينەتىنىڭ اپتالىق وتىرىسىندا.

10- اقپاندا تۇندە اراب تەڭىزى اكۆاتوريىندە ليبەريا تۋىنىڭ استىندا ءجۇزىپ كەلە جاتقان «Campo Square» كەمەسى ءۇندىستان مەن ومان جاعالاۋىنان شامامەن 300 تەڭىز ميلى (555 كيلومەتر) جەردە شابۋىلعا ۇشىراعان.

كەمە بازالارىنىڭ مالىمەتىنشە، «Campo Square» كەمەسى يزرايلدىك تەڭىز ماگناتى ەيال وفەرگە تيەسىلى بريتاندىق «Zodiac Maritime» كەمە كومپانياسىمەن بايلانىستى. ءوز كەزەگىندە «Zodiac Maritime» تانكەردى گرەكيانىڭ «eletson» كومپانياسى باسقاردى دەپ جاۋاپ بەردى. «eletson» وقيعانى راستادى، ءبىراق وعان يران اسكەري-تەڭىز كۇشتەرىنىڭ قاتىسى بار دەگەندى جوققا شىعاردى.

يران بۇل وقيعاعا قاتىستى مالىمدەمە جاساعان جوق.