بۇل جايىندا ۇلتتىق ەكونوميكا ۆيتسە-ءمينيسترى باۋىرجان وماربەكوۆ قازاقپارات ساۋالىنا جولداعان جاۋابىندا جازدى.
«وسىعان دەيىن شەكارا ماڭىنداعى اۋماقتاردى دامىتۋ «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىنا ەنگەن «اۋىل - ەل بەسىگى» جوباسىنىڭ شەڭبەرىندە ىسكە اسىرىلدى. قازىرگى تاڭدا «اۋىلداردى دامىتۋدىڭ 2023-2027-جىلدارعا ارنالعان تۇجىرىمداماسى» جوباسىنا ەنگىزىلدى.
اتالعان تۇجىرىمداما شەڭبەرىندە شەكارا ماڭىنداعى اۋماقتاردى دامىتۋ جونىندەگى ماسەلەلەرگە ەرەكشە نازار اۋدارىلادى. اتاپ ايتقاندا، بۇل تىرشىلىكتى قامتاماسىز ەتەتىن ينفراقۇرىلىمدى باسىم قارجىلاندىرۋ؛ بۇرىنعى اۋىلدىق اۋدانداردىڭ (كاتونقاراعاي، ۇلكەن نارىن، كۇرشىم، مارقاكول جانە تاعى باسقا) مارتەبەسىن قالپىنا كەلتىرۋ ماسەلەلەرىنە، سونداي-اق جەرگىلىكتى تۇرعىنداردى قولداۋ شارالارىن ازىرلەۋگە، ونىڭ ىشىندە تۇرعىندارعا جالاقى مەن باسقا دا الەۋمەتتىك تولەمدەرگە ۇستەمەاقى بەرۋ جونىندە تالداۋ مەن ۇسىنىستار ازىرلەۋگە قاتىستى ماسەلەلەر قامتىلاتىن بولادى»، - دەلىنگەن ۆەدومستۆو جاۋابىندا.