تۇركيا جەر سىلكىنىسىندە قازا تاپقاندار سانىن جاريالادى

انكارا. قازاقپارات - تۇركيانىڭ وڭتۇستىگىندە جويقىن جەر سىلكىنىسىنەن قازا تاپقاندار سانى 41020 ادامعا جەتتى.

بۇل تۋرالى تۇركيانىڭ توتەنشە جاعدايلاردى جويۋ باسقارماسى (AFAD) ءمالىم ەتتى، دەپ حابارلايدى قازاقپارات «انادولى» اگەنتتىگىنە سىلتەمە جاساپ.

ءزىلزالادان كەيىن 6210 افتەرشوك بولعان، دەپ اتاپ ءوتتى ۆەدومستۆودان.

AFAD مالىمەتتەرى بويىنشا، قازىرگى ۋاقىتتا «جەر بەتىندە» تۇركيا مەن شەت ەلدەردەن كەلگەن ىزدەۋ- قۇتقارۋ جاساعىنىڭ 19436 مۇشەسى جۇمىس ىستەيدى.

اپات ايماعىندا بارلىعى 216166 شاتىر ورناتىلدى، ولاردى تۇركيانىڭ مينيسترلىكتەرى مەن ءتيىستى مەكەمەلەرى، سونداي-اق شەت ەلدەر مەن حالىقارالىق ۇيىمدار ۇسىندى.