بۇگىن ەلىمىزدىڭ باسىم بولىگىندە قار جاۋىپ، بۇرقاسىنداتادى - قازگيدرومەت
07:56, 20 - اقپان 2023
استانا. قازاقپارات - «قازگيدرومەت» ر م ك-سى اقپاننىڭ 20 ى كۇنگى كۇن رايى بولجامىن جاريالادى، دەپ حابارلايدى قازاقپارات.
كاسىپورىن تاراتقان دەرەكتەرگە قاراعاندا، سكانديناۆيالىق سيكلون جىراسىنىڭ جانە ونىمەن بايلانىستى اتموسفەرالىق اعىنداردىڭ اسەرىنەن قازاقستاننىڭ باسىم بولىگىندە كۇن قۇبىلمالى بولادى - قار جاۋىپ، بۇرقاسىنداتادى، باتىس اۋداندارىندا جانە وڭتۇستىكتە - جاڭبىر، قار جاۋادى. تەك ەلىمىزدىڭ شىعىسىندا، وڭتۇستىك- شىعىسىندا كۇن جاۋىن-شاشىنسىز بولادى. ق ر بويىنشا كوكتايعاق بولىپ، جەل كۇشەيەدى، تۇمان تۇسەدى.