ءۇيى مۋزەيگە اينالاتىنداي، كوپەس كۋپرين كىم ەدى؟
«باس قالادا ءتۋريزمدى دامىتۋ جۇمىستارىنا كەدەرگىلەر بار. ماسەلەن، ەكسپو كورمەسى قالاشىعىنداعى مۋزەيدى الساق، اپتانىڭ ءۇش كۇنى عانا جۇمىس ىستەيدى. مۋزەي جۇمىس ىستەمەيتىن كۇندەرى كەلگەن تۋريستەر سوندا قايدا بارادى؟ ۇلتتىق مۋزەيدە بالالارعا ارنالعان بولمە اشىلىپتى، دەمالىس كۇندەرى جيەندەرىمدى اپارايىن دەسەم، «ءبىز سەيسەنبى، جۇما كۇندەرى جۇمىس ىستەيمىز» دەيدى»، - دەدى استانا تۋريزم قاۋىمداستىعىنىڭ وكىلى تاتيانا ۆەرنيتسكايا اكىمنىڭ ورىنباسارىمەن كەزدەسۋدە.
سونداي-اق، ول ەلورداداعى بۇرىنعى مۋزەيدى قايتا جاڭعىرتۋ يدەياسىن كوتەردى.
«بىزدە قالالىق مۋزەي جوق. بۇرىن كوپەس كۋپريننىڭ ءۇيى مۋزەي بولدى. ول ⅩⅩ عاسىردىڭ باسىندا اشىلعان. ال قازىرگى تاڭدا جابىق تۇر. دەمەك، قالا تاريحىنان حابار بەرەتىن، بۇگىنگى استانانىڭ قايدان باستالاتىنىن باياندايتىن مۋزەي جوق. بىزگە سالالىق مۋزەيلەر دە كەرەك. ەلوردادا تاريحى بار بىرنەشە ونەركاسىپ بار»، - دەيدى استانالىق ايەل.
ۇسىنىستى تىڭداعان قالا اكىمىنىڭ ورىنباسارى ەرلان بەكمىرزايەۆ يدەيانى جۇزەگە اسىرۋ جاعى قارالاتىنىنا ۋادە بەردى.
ايتا كەتەيىك، بۇگىن ەلوردادا قالا ورىنباسارىنىڭ، «اتامەكەن» ۇلتتىق كاسىپكەرلەر پالاتاسى باسشىشىلىعىنىڭ جانە ءتۇرلى بيزنەس وكىلدەرىنىڭ قاتىسۋىمەن جيىن ءوتتى. بۇل باسقوسۋدا ورتاعا سالىنعان تاقىرىپتىڭ ءبىرى - قالالىق ءتۋريزمدى دامىتۋ.
ال كوپەس كۋپرين ⅩⅨ عاسىردىڭ ورتاسىندا قازاق جەرىنە قونىس اۋدارىپ، ءوز كاسىبىن دوڭگەلەتىپ، قالا تاريحىندا ايتارلىقتاي ءىز قالدىرعان كازاك. ونىڭ ءۇيى كەنەسارى مەن اۋەزوۆ كوشەلەرىنىڭ قيىلىسىندا تۇر. عيمارات ءوزىنىڭ قايتالانباس ارحيتەكتۋراسىمەن قىزىقتىرادى.
massaget.kz