پارتيالاردىڭ اتاۋلارى سايلاۋ بيۋلەتەنىنە قانداي تارتىپپەن ورنالاسادى – و س ك

استانا. قازاقپارات - ورتالىق سايلاۋ كوميسسياسى پارتيالاردىڭ اتاۋلارى سايلاۋ بيۋلەتەنىندە قانداي تارتىپپەن ورنالاساتىنىن انىقتاۋ ماقساتىندا جەرەبە تارتۋ ءراسىمىن وتكىزدى، دەپ حابارلايدى قازاقپارات ءتىلشىسى.

وعان تىركەلگەن 7 پارتيانىڭ وكىلدەرى قاتىستى. ولار ورتاعا شىعىپ، ىشىنە 1 دەن 7 گە دەيىن ساندار جازىلعان كونۆەرتتەردى الدى. تيىسىنشە، جابىق كونۆەرتتەگى نومىرلەر پارتيانىڭ بيۋلەتەندە نەشىنشى بولىپ ورنالاساتىنىن ايعاقتايتىن بولادى.

«جەرەبە قورىتىندىسىنا ساي، 19-ناۋرىزعا تاعايىندالعان پارتيالىق تىزىمدەر بويىنشا پارلامەنت ءماجىلىسى مەن ءماسليحاتتارعا كەزەكتەن تىس سايلاۋدا داۋىس بەرۋدى وتكىزۋ كەزەڭىندە ساياسي پارتيالاردىڭ اتاۋلارى سايلاۋ بيۋلەتەنىندە كەلەسى تارتىپپەن ورنالاسادى: Amanat پارتياسى - ءبىرىنشى ورىندا، «اۋىل» حالىقتىق- دەموكراتيالىق پارتياسى - ەكىنشى ورىندا، «Respublica» پارتياسى - ءۇشىنشى ورىندا، قازاقستان حالىق پارتياسى - ءتورتىنشى ورىندا، «بايتاق» جاسىلدار پارتياسى - بەسىنشى ورىندا، «اق جول» پارتياسى - التىنشى ورىندا، جالپىۇلتتىق سوتسيال- دەموكراتيالىق پارتياسى - جەتىنشى ورىندا. جەرەبەنى وتكىزۋ تارتىپتەرى حاتتامامەن بەكىتىلەدى»، - دەدى و س ك مۇشەسى ءسابيلا مۇستافينا.

ەسكە سالا كەتەيىك، ءماجىلىس پەن ماسليحات دەپۋتاتتارىن كەزەكتەن تىس سايلاۋ 19-ناۋرىزعا بەلگىلەنگەن.