ش ق و سيفرلاندىرۋ جانە ارحيۆتەر باسقارماسىنىڭ مالىمەتىنە سۇيەنسەك، جوبانىڭ اتاۋى - «اتا-انا باقىلاۋى».
«جوباعا قالا بويىنشا 55 ءبىلىم ورداسى قاتىسىپ جاتىر. سول ارقىلى اتا-انالار بالالارىنىڭ مەكتەپكە كەلگەنى جانە كەتكەنى تۋرالى اۆتوماتتى تۇردە حاباردار ەتىلىپ وتىرادى. وسى ءۇشىن ارنايى موبيلدى قوسىمشا ازىرلەنىپ جاتىر»، - دەيدى باسقارما باسشىسى رۇستەم دوسقوجا.
ونىڭ ايتۋىنشا، بيىل تەرروريستىك تۇرعىدان وسال وبەكتىلەردەگى ءورت قاۋىپسىزدىگىن باسقارۋ جۇيەسىنە قاتىستى پيلوتتىق جوبا ەنگىزىلمەك.
ناتيجەسىندە، 10 الەۋمەتتىك ءبىلىم بەرۋ جانە دەنساۋلىق ساقتاۋ نىسانىندا وبلىستىق سيتۋاتسيالىق ورتالىقتىڭ باسقارۋ پۋلتىنە سيگنال بەرۋ ارقىلى ءورتتى ۋاقتىلى جانە اۆتوماتتى تۇردە انىقتاۋعا مۇمكىندىك جاسالادى.
«سونداي-اق تۋريستەردى قاجەتتى اقپاراتپەن قامتاماسىز ەتۋ جانە قالانىڭ تۋريستىك الەۋەتىن ارتتىرۋ ماقساتىندا ينتەراكتيۆتى ونلاين گيد - «visiteast» موبيلدى قوسىمشاسى ىسكە قوسىلىپ وتىر. وسكەمەن بويىنشا ينتەراكتيۆتى ونلاين گيد جۇيەسىنە 139 مەكەمە قوسىلعان»، - دەيدى ر. دوسقوجا.