الماتىدا ادۆوكات ايەلدى ءولتىرۋ ءىسى سوتقا جولداندى

الماتى. قازاقپارات - الماتىدا ادۆوكات ايەلدى ءولتىرۋ ءىسى بويىنشا تەرگەۋ اياقتالىپ، سوتقا جولداندى.

بۇل تۋرالى الماتى قالالىق پروكۋراتۋراسىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

پروكۋراتۋرانىڭ باسپا ءسوز قىزمەتى تاراتقان مالىمەت بويىنشا، بيىل 14- اقپاندا المالى اۋداندىق پروكۋراتۋراسى قىلمىستىق ءىستى قاراۋ ءۇشىن سوتقا جىبەرگەن.

«وتكەن جىلدىڭ 8- قازان كۇنى قوعامعا تانىمال زاڭگەر ا. ك. اسانوۆا ولتىرىلگەن بولاتىن. بۇل فاكتى المالى اۋداندىق پوليتسيا باسقارماسىندا قىلمىستىق كودەكستىڭ 99-بابىنىڭ 1-بولىگى بويىنشا تىركەلدى. ونىڭ بۇرىنعى جۇبايى ن. پروكۋراتۋرانىڭ كەلىسىمىمەن كۇدىكتى دەپ تانىلدى. ول سوتتىڭ سانكسياسىمەن قاماۋعا الىندى. بيىل 14- اقپاندا المالى اۋداندىق پروكۋراتۋراسى قىلمىستىق ءىستى سوتقا جىبەردى»، - دەلىنەدى حابارلامادا.

ەسكە سالايىق، وتكەن جىلى 8- قازان، ساعات 23:00 شاماسىندا 1980-جىلى تۋعان ا. ەسىمدى زاڭگەر ايەل كوپتەگەن پىشاق جاراقاتىمەن اۋرۋحاناعا جەتكىزىلىپ، 12- قازانعا قاراعان ءتۇنى مەديتسينالىق مەكەمەدە قايتىس بولعان.

كەيىن زاڭگەر ايەلدى كىم ولتىرگەنى بەلگىلى بولدى.