تۇرىك فاناتتارى كونفەرەنسيا ليگاسى ماتچىنىڭ الدىندا قازاقستان قۇتقارۋشىلارىنا العىس ايتتى
دەپ حابارلايدى قازاقپارات Sports.kz پورتالىنا سىلتەمە جاساپ.
فاناتتار باننەر ءىلىپ قويعان. وندا ءۇيىندى استىنان ادامداردى شىعارۋعا كومەكتەسىپ جۇرگەن، قولىنا بالا ۇستاعان قۇتقارۋشى بەينەلەنگەن. قۇتقارۋشىنىڭ تەمىر قالپاعىندا تۇرىك حالقىنا قايعىلى اپاتتىڭ سالدارىمەن كۇرەسۋگە كومەكتەسىپ جاتقان ءار ەلدىڭ تۋلارى بەينەلەگەن. ولاردىڭ قاتارىندا قازاقستاننىڭ دا تۋى بار. ق ر ت ج م قىزمەتكەرلەرى تۇركيانىڭ ەكى ەلدىمەكەنىندە ىزدەۋ- قۇتقارۋ جۇمىستارىن جالعاستىرىپ جاتىر.
كەيىنگى دەرەك بويىنشا، تۇركياداعى ءزىلزالادان قازا تاپقاندار سانى 36 مىڭ ادامنان استى.
ەسكە سالا كەتەيىك، ق ر پرەزيدەنتى قاسىم- جومارت توقايەۆ تۇركياعا جەدەل كومەك كورسەتۋگە ميلليون دوللار ءبولدى. سونداي- اق مەملەكەت باسشىسى ۇكىمەتكە تۇركياعا 55 توننا كولەمىندە قوسىمشا گۋمانيتارلىق كومەك جىبەرۋدى تاپسىردى.
قازاقستاندىقتار دا تۇركيانىڭ زارداپ شەككەن تۇرعىندارىنا بەلسەندى تۇردە گۋمانيتارلىق كومەك جيناپ جاتىر. كاحرامانماراشتا قازاقستان جىبەرگەن العاشقى كيىز ۇيلەر قۇرىلا باستادى.
فوتو: sports.kz
اۆتور
بالنۇر قوجاگەلدى