ا ق ش پرەزيدەنتى دجو بايدەننىڭ دەنى ساۋ جانە ءوز مىندەتتەرىن تولىق ورىنداي الادى - اق ءۇي دارىگەرى
بەيسەنبى كۇنى دارىگەرلەر ۆاشينگتون اۋرۋحاناسىندا ا ق ش- تىڭ 80 جاستاعى باسشىسىن تولىق مەديتسينالىق تەكسەرىستەن وتكىزدى. بۇل - دجو بايدەننىڭ پرەزيدەنتتىك قىزمەتكە كىرىسكەننەن بەرگى ەكىنشى تەكسەرىسى.
مەديتسينالىق تەكسەرىس ا ق ش پرەزيدەنتىنىڭ بۇرىنعى اۋرۋلارىن انىقتاۋ مەن قازىرگى دەنساۋلىق جاعدايىن باقىلاۋ ماقساتىندا جۇرگىزىلگەن.
«ءوزىنىڭ تولىق قىزمەتتىك مىندەتتەرىن ورىنداۋعا پرەزيدەنتتىڭ كۇش- جىگەرى جەتكىلىكتى»، - دەپ جازدى اق ءۇي دارىگەرى كيەۆين وكوننور ءوزىنىڭ قىزمەتتىك جازباسىندا.
قۇجاتقا سايكەس، دجو بايدەن قازىرگى ۋاقىتتا جۇرەكتىڭ تۇراقسىز سوعۋى، جوعارى حولەستەرين، ەپيزودتىق قىشقىل رەفليۋكسى، ماۋسىمدىق اللەرگيا، ومىرتقا ءارتريتى جانە اياق بۋىندارىنداعى نەرۆتىك جۇيەلەردىڭ زاقىمدانۋى دەرتتەرى بويىنشا ەم قابىلداپ جاتىر. دەگەنمەن ونىڭ جاعدايى تۇراقتى.
مەديتسينالىق تەكسەرۋ كەزىندە دجو بايدەننىڭ ينسۋلت نەمەسە پاركينسون سياقتى نيەۆرولوگيالىق اۋرۋلارمەن اۋىراتىنىن انىقتاۋ ماقساتىندا كۇردەلى زەرتتەۋ جۇرگىزىلگەن. ناتيجەسىندە دارىگەرلەر ا ق ش پرەزيدەنتىنىڭ اتالعان دەرتتەرمەن اۋىرمايتىنىن راستادى.
سوڭعى سايلاۋ كەزىندە دجو بايدەن ساياسي قارسىلاستارىنىڭ اقىل- وي كەمشىلىكتەرى اۋرۋىمەن سىرقاتتانادى دەگەن مالىمدەمەلەرىن جوققا شىعارىپ، كوگنيتيۆتى تەستتەن باس تارتقان بولاتىن.
فوتو: GETTY IMAGES
اۆتور
ءاليحان اسقار