بەس جىل بۇرىن تايلاندتا سۋ باسقان ۇڭگىردەن قۇتقارىلعان بالا قايتىس بولدى
جاس ءوسپىرىم ءولىمىنىڭ سەبەبى بەلگىسىز، ونىڭ باسىنان جاراقات العانى حابارلاندى.
وتكەن جىلدىڭ سوڭىندا 17 جاسار دۋانگپەتچ پرومتەپ لەستەرشير گرافستۆوسىنداعى برۋك حاۋس كوللەدجىنىڭ (Brooke House College) فۋتبول اكادەمياسىنا ءتۇستى.
پرومتەپ تايلاندتىڭ «Wild Boars» («جابايى قاباندار») جاسوسپىرىمدەر فۋتبول كومانداسىنىڭ كاپيتانى بولدى. بۇل كوماندا 2018 -جىلى جاتتىقتىرۋشىسىمەن بىرگە چيانگراي پروۆينسياسىنداعى سۋ باسقان ۇڭگىردە ەكى اپتا قامالىپ قالعان ەدى.
جاس ءوسپىرىمنىڭ اناسى ونىڭ قايتىس بولعانىن چيانگرايداعى ۆات دوي ۆاو (Wat Doi Wao temple) عيباداتحاناسىنىڭ وكىلدەرىنە حابارلادى. بۇل قايعىلى جاڭالىقتى كومانداداعى كەي جولداستارى الەۋمەتتىك جەلىدەگى اككاۋنتتارىندا ءبولىستى.
عيباداتحانا وكىلدەرى جاس ءوسپىرىمنىڭ وتباسىنا كوڭىل ايتتى.
پرومتەپكە انگليادا وقۋعا ستيپەنديا الۋعا كومەكتەسكەن تايلاندتىڭ Zico Foundation كوممەرتسيالىق ەمەس ۇيىمى دا Facebook-تەگى رەسمي پاراقشاسىندا كوڭىل ايتتى.
پرومتەپ - 2018 -جىلى 23-ماۋسىمدا جاتتىقتىرۋشىمەن بىرگە تحام لۋانگ ۇڭگىرىنە بارعان «جابايى قاباندار» فۋتبول كومانداسىنىڭ مۇشەسى. كەنەتتەن نوسەر جاۋىن جاۋىپ، ۇڭگىردى سۋ باستى.
سول كەزدە ول 13 جاستا، ال ونىڭ كوماندالىق جولداستارى 11-16 جاس ارالىعىندا بولدى.
ۇلدار مەن جاتتىقتىرۋشىسى سۋ باسقان ۇڭگىردە ەكى اپتا وتكىزدى. ولاردى ىزدەۋ-قۇتقارۋ وپەراتسياسىنا 100 گە جۋىق تايلاندتىق جانە شەتەلدىك سۇڭگۋىر قاتىستى.
تحام لۋانگ - تايلاندتىڭ ۇلكەندىگى جاعىنان ءتورتىنشى ۇڭگىرلەر جۇيەسى. بۇل كوماندانىڭ سۇيىكتى ورىندارىنىڭ ءبىرى ەدى.
فۋتبول كومانداسىنىڭ قۇتقارىلۋىن بۇكىل الەم قاداعالاپ وتىردى. وتكەن جىلى Netflix وسى تاڭعاجايىپ قۇتقارۋ وقيعاسى تۋرالى شاعىن سەريال ءتۇسىردى.
اۆتور
زارينا تۋعانبايەۆا