قار، جاڭبىر، كوكتايعاق: بەيسەنبى كۇنگە اۋا رايى بولجامى

استانا. قازاقپارات - «قازگيدرومەت» ر م ك بولجامىنشا، 16-اقپاندا قازاقستاننىڭ باسىم بولىگىندە قۇبىلمالى كۇن رايى قالىپتاسادى.

ونىمەن رەسپۋبليكانىڭ باتىسىندا، وڭتۇستىك- باتىسىندا، وڭتۇستىگى مەن وڭتۇستىك- شىعىسىندا قار جانە جاڭبىر تۇرىندە جاۋىن- شاشىن، ەكپىندى جەل، جاياۋ بۇرقاسىن بولادى. سونداي-اق ەل بويىنشا تۇمان مەن كوكتايعاق بولجانادى، دەپ حابارلايدى قازاقپارات.

تاڭەرتەڭ جانە كۇندىز تۇركىستان وبلىسىنىڭ وڭتۇستىگىندە، باتىسىندا جانە تاۋلى اۋدانداردا قاتتى جاڭبىر جاۋادى.

باتىس قازاقستان وبلىسىنىڭ وڭتۇستىگىندە، كۇندىز اتىراۋ وبلىسىنىڭ شىعىسىندا، ورتالىعىندا قاتتى قار كۇتىلەدى.

جامبىل وبلىسىنىڭ تاۋلى اۋداندارىندا تۇندە قاتتى قار، كۇندىز وبلىستىڭ وڭتۇستىگىندە جانە تاۋلى اۋداندارىندا جاڭبىر مەن قار تۇرىندە قاتتى جاۋىن- شاشىن بولادى.