ول – ا ق ش- تىڭ بۇرىنعى پرەزيدەنتى دونالد ترامپپەن 2024-جىلعى پرەزيدەنتتىك سايلاۋ دوداسىندا رەسپۋبليكالىق پارتيا اتىنان تالاساتىن العاشقى ۇمىتكەر. سايلاۋعا ءتۇسۋ نيەتى تۋرالى رەسمي مالىمدەمەسىندە حەيلي ۆاشينگتوننىڭ امەريكالىقتاردى بىرنەشە رەت ساتسىزدىككە ۇشىراتقانىن اتاپ ءوتتى.
«كوشباسشىلاردىڭ جاڭا بۋىنىنا قارجىلىق جاۋاپكەرشىلىكتى قايتا الاتىن، شەكارا قاۋىپسىزدىگىن قامتاماسىز ەتەتىن جانە ءبىزدىڭ مەملەكەتتى، ماقتانىشىمىز بەن ماقساتىمىزدى نىعايتاتىن ۋاقىت كەلدى»، - دەدى نيككي حەيلي.
ول ەندى چارلستوندا ءوزىنىڭ سايلاۋالدى ناۋقانىنىڭ باستالۋىنا ارنالعان شارادا ءسوز سويلەيدى دەگەن جوسپار بار.
الدىن الا سايلاۋدا جولى بولسا، حەيلي رەسپۋبليكالىق پارتيا پرەزيدەنتتىككە ۇسىنعان العاشقى ايەل جانە امەريكانىڭ شىعۋ تەگى ازياتتىق العاشقى ازاماتى بولماق.
حەيلي دونالد ترامپتىڭ پرەزيدەنتتىگى كەزىندە ا ق ش- تىڭ ب ۇ ۇ جانىنداعى تۇراقتى وكىلى قىزمەتىن اتقاردى. ول ىسكەر ايەلدەر ۇلتتىق قاۋىمداستىعىنىڭ بۇرىنعى پرەزيدەنتى، العاش رەت 2004-جىلى وڭتۇستىك كارولينا وكىلدەر پالاتاسىنا سايلاندى. التى جىلدان كەيىن، 2010-جىلى شتاتتىڭ گۋبەرناتورى بولىپ سايلانعان العاشقى ايەل جانە 2011-جىلى قىزمەتىنە كىرىسكەن كەزدە ەلدەگى ەڭ جاس گۋبەرناتور بولدى. ا ق ش- تىڭ ب ۇ ۇ جانىنداعى ەلشىسى بولۋ ءۇشىن ەكىنشى مەرزىمىنىڭ ورتاسىندا وتستاۆكاعا كەتتى.
بۇعان دەيىن دونالد ترامپتىڭ پرەزيدەنتتىك ناۋقاندى باستاعانى تۋرالى حابارلانعان بولاتىن.