جانقوش تۇراروۆتىڭ كەلەسى جەكپە-جەگى قاشان وتەتىنى بەلگىلى بولدى

استانا. قازاقپارات - جەڭىلىپ كورمەگەن قازاق بوكسشىسى جانقوش تۇراروۆتىڭ (26-0، 19 ك و) كەلەسى جەكپە-جەگى قاشان وتەتىنى بەلگىلى بولدى، - دەپ حابارلايدى Vesti.kz ءتىلشىسى.

BoxRec مالىمەتىنشە، تۇراروۆتىڭ كەلەسى كاسىبي جەكپە-جەگى 18- ناۋرىزدا ەمەس، 21- ناۋرىزدا الماتىدا وتەدى.

ونىڭ قارسىلاسى - مەكسيكالىق الەحاندرو مەنەسەس (16-5، 9 ك و)، ول IBO تۇجىرىمى بويىنشا جارتىلاي ورتا سالماقتاعى چەمپيوندىق تيتۋلدى قورعايدى. جەكپە-جەك 12 راۋندتان تۇرادى.

ەسكە سالايىق، تۇراروۆ جەلتوقساندا الماتىدا وتكەن كەيىنگى جەكپە-جەگىندە ۆەنەسۋەلالىق لۋيس ەنريكە رومەرو (11-6-1، 7 ك و) جەتىنشى راۋندتا اياقتاپ، بوس قالعان IBO Intercontinental بەلبەۋىن جەڭىپ العان بولاتىن.

مەنەسەس كەيىنگى رەت بىلتىر ساۋىردە ليۆەرپۋلدە ۇلى بريتانيالىق سەم ماكسۆەللدى (16-1، 11 ك و) توعىزىنشى راۋندتا تەحنيكالىق نوكاۋتپەن جەڭىپ، IBO بەلبەۋىن جەڭىپ العان بولاتىن.