الماتىدا اۆتوبۋس ورتەندى

فوتو:
الماتى. قازاقپارات - الماتىنىڭ مەدەۋ اۋدانىندا جولاۋشىلار اۆتوبۋسى ورتەندى، دەپ حابارلايدى قازاقپارات ءتىلشىسى.

توتەنشە جاعداي بۇگىن، تاڭعى ساعات 08:27 شاماسىندا بولعان.

قالالىق توتەنشە جاعدايلار دەپارتامەنتىنىڭ حابارلاۋىنشا، قوعامدىق كولىكتە جولاۋشىلار بولماعان. ءورت 25 شارشى مەتردى شارپىعان.

«ءورت ءسوندىرۋ بولىمشەلەرى مەدەۋ اۋدانى، تولە ءبي كوشەسى مەن شىعىس اينالما اۆتوكولىك جولىنىڭ قيىلىسىنا جىبەرىلدى. ءورت سوندىرۋشىلەر كەلگەن كەزدە «لياز» ماركالى اۆتوبۋس جانىپ جاتتى. ءورت 25 شارشى مەتر اۋماقتى شارپىعان. ءورت باستالعان كەزدە سالونىندا جولاۋشىلار بولماعان»، - دەپ حابارلادى ت ج د باسپا ءسوز قىزمەتى.

ءورت ساعات 08:45 تا اۋىزدىقتالىپ، بەس مينۋتتا تولىقتاي ءسوندىرىلدى.

زارداپ شەككەندەر جوق.

ءورتتى سوندىرۋگە 8 مامان مەن 2 تەحنيكا جۇمىلدىرىلدى.