جەرگىلىكتى پوليتسياعا تۇرعىندار حابارلاسىپ، ماسكا كيگەن بەلگىسىز بىرەۋ ميچيگان شتاتى ۋنيۆەرسيتەتىنىڭ كامپۋسىندا جەرگىلىكتى ۋاقىتپەن ساعات 20:18 دە وق جاۋدىرعانىن جەتكىزگەن.
پوليتسيانىڭ مالىمەتىنشە، شابۋىلداعان ادام ۋنيۆەرسيتەتتىڭ ەكى جەرىندە ستۋدەنتتەرگە وق اتقان. ازىرگە ءۇش ادامنىڭ مەرت بولعانى بەلگىلى، بەسەۋى جاراقات العان.
شابۋىلشىنىڭ دەنەسىن پوليتسيا قىزمەتكەرلەرى تاپقان - ول شابۋىلداعاننان كەيىن ءوز-وزىنە وق اتقان.
پوليتسەيلەر شابۋىلداۋشىنىڭ 43 جاستا ەكەنىن انىقتادى. ونىڭ ۋنيۆەرسيتەتكە ەش قاتىسى جوق. ونىڭ نەلىكتەن بۇل قادامعا بارعانى ازىرگە بەلگىسىز.
ۋنيۆەرسيتەت وكىلدەرىنىڭ ايتۋىنشا، شابۋىلداۋشى وق اتقان ەكى عيمارات تا جۇمىس كەزىندە اشىق بولعان - ونىڭ بىرەۋى ساباق وقۋعا، ەكىنشىسى ستۋدەنتتەر كەڭەسىنىڭ كەزدەسۋىنە ارنالعان.