تۇركيادا شەتەلدىكتەرگە جىلجىمايتىن مۇلىك ساتىلۋىنا تىيىم سالىنۋى مۇمكىن
16:57, 14 - اقپان 2023
استانا. قازاقپارات – تۇرىك وپپوزيتسياسى جىلجىمايتىن مۇلىكتى شەتەلدىكتەرگە ساتۋعا تىيىم سالۋدى ۇسىندى، - دەپ حابارلايدى Massaget.kz ءتىلشىسى T24 باسىلىمىنا سىلتەمە جاساپ.
بۇل تۋرالى جەر سىلكىنىسىنەن زارداپ شەككەن حاتاي پروۆينتسياسىنداعى تەكسەرىس كەزىندە تۇركيانىڭ وڭشىل وپپوزيتسيالىق «جاقسى پارتياسىنىڭ» جەتەكشىسى مەرال اكشەنەر مالىمدەدى. ونىڭ ايتۋىنشا، شەتەلدىكتەر تاراپىنان جىلجىمايتىن مۇلىككە دەگەن سۇرانىس جوعارى بولۋىنا بايلانىستى تۇركيا ازاماتتارى ءۇشىن تۇرعىن ءۇي باعاسى كوتەرىلگەن.
جەر استى دۇمپۋلەرىنەن زارداپ شەككەندەرگە باسپانا تابۋ ماسەلەسى جالداۋ اقىسى مەن تۇرعىن ءۇي باعاسى وسۋىنە جانە شەتەلدىكتەرگە جىلجىمايتىن مۇلىكتى جاپپاي ساتۋعا اكەپ سوققان.
2022-جىلى شەتەلدىكتەرگە 75185 مۇلىك ساتىلعان. بۇل جىلجىمايتىن مۇلىكتىڭ 70874 ءى - تۇرعىن ءۇي جانە جۇمىس ورىندارى، ال 4311 ءى جەر، جۇزىمدىكتەر مەن باقتاردى قوسا العاندا، نەگىزگى جىلجىمايتىن مۇلىكتەر بولعان.