ەۋروپالىقتار اراق- شاراپتان جاپپاي باس تارتا باستادى
بۇل ءۇردىستى پاريجدە ءوتىپ جاتقان كورمەدەن انىق بايقاۋعا بولادى، - دەيدى ساراپشىلار. وسىعان بايلانىستى «كارى قۇرلىقتاعى» كاسىپكەرلەر جاپپاي جاڭا تەحنولوگيالار ەنگىزىپ، قالىپتاسقان جاعدايعا بەيىمدەلىپ جاتىر. سونداي- اق سپيرتتىك ىشىمدىكتەن كورەيا، جاپونيا ەلدەرى دە ارىلا باستاعان.
ماماندار بۇعان قازىرگى زامان جاستارىنىڭ ۇستانىمى مەن پاندەميا تىكەلەي اسەر ەتتى دەيدى. ادامزات كوروناۆيرۋستان كەيىن دەنساۋلىعىنا بارىنشا جاۋاپتى قاراي باستاعان سىڭايلى.
ۆالەري دە جيۋتتەر، الكوگولسىز سۋسىندار وندىرەتىن كومپانيانىڭ نەگىزىن قالاۋشى:
- جاعدايدىڭ بۇلاي وزگەرەتىنىن 3 جىل بۇرىن مۇلدە ويلاماعان دا ەدىك. قازىر الكوگولسىز سۋسىندارعا سۇرانىس وتە جوعارى. ءتىپتى شاراپحاناعا بارعان ادامدار اس مازىرىندە الكوگولسىز سۋسىنداردىڭ مىندەتتى تۇردە بولعانىن تالاپ ەتە باستاعان. ءتىپتى بيىل قاڭتاردا ساۋدامىز % 400- كە ارتتى.
سەباستيان توما، الكوگولسىز سۋسىندار وندىرەتىن كومپانيانىڭ نەگىزىن قالاۋشى:
- 18 بەن 25 جاس ارالىعىنداعى جاستاردىڭ ءاربىر ءتورتىنشىسى ماسايتاتىن ىشىمدىك ىشپەيدى. ستاتيستيكا وسىلاي دەيدى. ياعني، ولاردىڭ سۇرانىسىنا ساي جاڭا ونىمدەر قاجەت. ۇلكەندەردىڭ ءاربىر ەكىنشىسى قۇرامىندا سپيرتى بار ىشىمدىككە قۇمارتپايتىن بولعان. بۇل قالىپتى تەندەنسياعا اينالىپ كەلەدى.
www.24.kz