ءى ءى م پەتروپاۆل وقيعاسىنداعى كۇدىكتىنىڭ قالىپتى مەكتەپتە وقۋىنا رۇقسات بەرگەن مەكەمەنى اتادى

استانا. قازاقپارات - ىشكى ىستەر ۆيتسە- ءمينيسترى مارات قوجايەۆ ۇكىمەت وتىرىسىندا پەتروپال وقيعاسىنداعى كۇدىكتىنىڭ قالىپتى مەكتەپتە وقۋىنا رۇقسات بەرگەن مەكەمەنى اتادى، دەپ حابارلايدى قازاقپارات ءتىلشىسى.

«وسى فاكتى بويىنشا قىلمىستىق كودەكستىڭ 24-بابى 3-بولىگى، 99-بابى 2-بولىگى (ادام ولتىرۋگە وقتالۋ) بويىنشا قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى. زاڭدى وكىلى اناسى بولىپ انىقتالدى.

كۇدىكتىنىڭ پسيحيكالىق دەنساۋلىعىندا پروبلەما بولعان. الماتى قالاسىنىڭ رەسپۋبليكالىق پسيحيكالىق دەنساۋلىق عىلىمي- تاجىريبەلىك ورتالىعى جالپى ءبىلىم بەرۋ باعدارلاماسى بويىنشا وقۋىن جالعاستىرۋعا رۇقسات بەرگەن»، - دەدى مارات قوجايەۆ.

ەسكە سالساق، پەتروپاۆلدا 9-سىنىپ وقۋشىسى مەكتەپكە قارۋلانىپ كەلىپ، بىرنەشە بالانى جاراقاتتاعان بولاتىن.

كەشە ءتۇس كەزىندە وقيعا كەزىندە زارداپ شەككەن وقۋشىلار جانساقتاۋ بولىمىندە جاتقانى بەلگىلى بولدى.

اۆتور

ەسىمجان ناقتىباي